4 Kunene u ta avanyisa exikarhi ka matiko,+ a lulamisa+ timhaka ta vanhu vo tala.+ Kutani va ta fula mabanga ya vona ma va swikomu ni mafumu ya vona ma va swikhutulo.+ Tiko a ri nge tlakuseli tiko rin’wana banga, naswona a va nge he dyondzi nyimpi.+

9 Kunene vaaki va miti ya Israyele va ta huma, va hisa, va tshivela ndzilo hi swihlomo swa nyimpi ni switlhangu leswitsongo ni switlhangu leswikulu,—hi mavurha ni hi miseve ni hi tinhonga ni hi matlhari yo leha; va ta tshivela ndzilo+ ha swona ku ringana malembe ya nkombo.

10 Kunene ndzi ta herisa kalichi ya nyimpi aEfrayimi ni hanci eYerusalema.+ Vurha bya nyimpi+ byi fanele byi herisiwa. Kunene yi ta vulavula ku rhula eka matiko;+ ku fuma ka yona ku ta suka elwandle ku ya elwandle ni ku suka eNambyeni ku ya emakumu ka misava.+