20 A ku eka vona: “Hikwalaho ka ripfumelo ra n’wina leritsongo. Hikuva ndzi tiyisile ndzi ri eka n’wina, Loko mi ri ni ripfumelo leri ringanaka ni ndzoho ya sinapi, mi ta byela ntshava leyi mi ku, ‘Suka laha u ya lahaya,’ kutani yi ta suka, naswona ku hava lexi nga ta mi tsandza.”+

21 Yesu a va hlamula a ku: “Ndzi tiyisile ndzi ri eka n’wina, Loko ntsena mi ri ni ripfumelo naswona mi nga kanakani,+ a mi nge endli leswi ndzi swi endleke eka nkuwa lowu ntsena, kambe niloko mo byela ntshava leyi mi ku, ‘Simuka u tihoxa elwandle,’ swi ta endleka.+

23 Yesu a ku eka yena: “Rito rero, ‘Loko u swi kota’! Phela, swilo hinkwaswo swi nga endleka eka munhu loko munhu wa kona a ri ni ripfumelo.”+

23 Ndzi tiyisile ndzi ri eka n’wina, hambi ku ri mani la byelaka ntshava leyi a ku, ‘Simuka u ya nghena elwandle,’ naswona a nga kanakani embilwini yakwe kambe a ri ni ripfumelo ra leswaku leswi a swi vulaka swi ta humelela, u ta endleriwa swona.+