14 Hikuva kahle-kahle hi hlanganyela na Kreste+ ntsena loko hi ku khoma ku tiyile ku tiyiseka loku a hi ri na kona eku sunguleni, ku yisa emakumu,+

3 Hakunene, ehleketisisani hi loyi a tiyiseleke mavulavulelo+ yo tano yo kaneta ya vadyohi hi ku lwisana ni leswi vuyerisaka vona ntsena, leswaku mi nga karhali mi wa mapa eka mimoya-xiviri ya n’wina.+

10 Mi nga chavi swilo leswi mi nga ta xaniseka+ ha swona ku nga ri khale. Maswivo! Diyavulosi+ u ta tama a hoxa van’wana va n’wina ekhotsweni leswaku mi ringiwa+ hi ku helela, ni leswaku mi va ni nhlomulo+ ku ringana masiku ya khume. Tikombiseni mi tshembekile ku ya fikela eku feni,+ kutani ndzi ta mi nyika harhi ya vutomi.+