3 “Mahlo ya n’wina hi wona ma voneke leswi Yehovha a swi endleke emhakeni ya Bali wa Peyori,+ leswaku munhu un’wana ni un’wana la landzeleke Bali wa Peyori hi yena loyi Yehovha Xikwembu xa n’wina a n’wi loviseke exikarhi+ ka n’wina.

11 Swilo leswi swi va humelerile tanihi swikombiso, naswona swi tsaleriwe leswaku swi va xilemukiso+ eka hina lava hi fikeriweke hi makumu ya mafambiselo ya swilo.+

5 Ndzi navela ku mi tsundzuxa, hambileswi mi swi tivaka kahle swilo hinkwaswo,+ leswaku Yehovha, hambiloko a ponise vanhu etikweni ra Egipta,+ endzhaku u lovise lava a va nga kombisi ripfumelo.+