26 Naswona ehenhla ka xibakabaka lexi a xi ri ehenhla ka nhloko ya swona a ku ri ni nchumu lowu langutekaka ku fana ni ribye ra safiri,+ wu fana ni xiluvelo.+ Kutani ehenhla ka lexi fanaka ni xiluvelo a ku ri ni loyi a langutekaka ku fana ni munhu wa la misaveni ehenhla ka xona,+ ehenhla-henhla.

9 “Ndzi ya emahlweni ndzi languta kukondza ku vekiwa+ swiluvelo kutani Nkulukumba wa Masiku+ a tshama ehansi. Swiambalo swakwe a swi base ku fana ni gamboko,+ misisi ya nhloko yakwe a yi fana ni voya lebyi baseke.+ Xiluvelo xakwe a xi ri malangavi ya ndzilo;+ mavhilwa ya xona a ma ri ndzilo lowu pfurhaka.+