54 “Huwelela hi ku tsaka, wena wansati wa mhika la nga velekiki!+ Khana u huwelela hi ku tsaka,+ u ba ni xivuvutana, wena la nga vangiki na swona switlhavi swa ku veleka,+ hikuva vana va loyi a tshikiweke va tele ngopfu ku tlula vana va wansati la nga ni nuna loyi a nga n’wini wakwe,”+ ku vula Yehovha.

5 “Hikuva Muendli wa wena Lonkulu+ i nuna la nga n’wini wa wena,+ vito rakwe i Yehovha wa mavuthu;+ naswona Mukwetsimi wa Israyele i Mukutsuri wa wena.+ U ta vitaniwa Xikwembu xa misava hinkwayo.+

26 Kambe Yerusalema+ wa le henhla u ntshunxekile, naswona i mana+ wa hina.