Tipisalema

149 Dzunisani Yah!+

Yimbelelelani Yehovha risimu lerintshwa,+

Swidzuniso swakwe enhlengeletanweni ya lavo tshembeka.+

 2 Israyele a a tsakele Muendli wakwe Lonkulu,+

Vana va Siyoni—a va tsakele Hosi ya vona.+

 3 A va dzunise vito ra yona hi ku cina.+

A va n’wi yimbelelele hi xingomana ni haripa.+

 4 Hikuva Yehovha u tsakela vanhu vakwe.+

U sasekisa lavo rhula hi ku va ponisa.+

 5 Lavo tshembeka a va khane hi ku vangama;

A va huwelele hi ku tsaka emasangwini ya vona.+

 6 Tinsimu leti dzunisaka Xikwembu a ti ve enkolweni wa vona,+

Ni banga leri tsemaka matlhelo mambirhi ri va evokweni ra vona,+

 7 Ku rihisela ehenhla ka vanhu va matiko,+

Ku tshinya vanhu va matiko,+

 8 Ku boha tihosi ta vona hi tinketana+

Ni lava va vangamisiweke va wona hi timpecana ta tinsimbi,

 9 Ku swi tisa ehenhla ka vona swiboho swa vuavanyisi leswi tsariweke.+

Ku vangama ko tano i ka vanhu vakwe vo tshembeka hinkwavo.+

Dzunisani Yah!+