Tipisalema

46 Xikwembu i vutumbelo ni ntamu wa hina,+

Mpfuno lowu kumekaka hi ku hatlisa hi nkarhi wa maxangu.+

 2 Hi yona mhaka leyi hi nga ta ka hi nga chavi, hambileswi misava yi hundzukaka+

Hambileswi tintshava ti tsekatsekelaka embilwini ya lwandle lerikulu;+

 3 Hambileswi mati ya rona ma pfumaka, ma endlaka maboboma,+

Hambileswi tintshava ti ninginikaka hi ku kariha ka rona.+ Seʹlah.

 4 Ku ni nambu lowu swinambyana swa wona swi tsakisaka muti wa Xikwembu,+

Tabernakela leyikulu yo kwetsima ya La nge Henhla-henhla.+

 5 Xikwembu xi le xikarhi ka muti;+ a wu nge tsekatsekisiwi.+

Xikwembu xi ta wu pfuna ka ha ri mixo.+

 6 Matiko a ma leva,+ mimfumo yi tsekatseka;

Xi huwelerile hi rito ra xona, misava yi n’oka.+

 7 Yehovha wa mavuthu u na hina;+

Xikwembu xa Yakobe i xisirhelelo xa hina lexi tlakukeke.+ Seʹlah.

 8 N’wina vanhu tanani, vonani swiendlo swa Yehovha,+

Ndlela leyi a vekeke ha yona swilo leswi hlamarisaka emisaveni.+

 9 U herisa tinyimpi ku ya fika emakumu ya misava.+

Vurha u byi tshova hi le xikarhi naswona u tshovelela fumu;+

Tigolonyi u ti hisa endzilweni.+

10 “N’wina vanhu tinyikeleni, mi tiva leswaku hi mina Xikwembu.+

Ndzi ta tlakusiwa exikarhi ka matiko,+

Ndzi ta tlakusiwa emisaveni.”+

11 Yehovha wa mavuthu u na hina;+

Xikwembu xa Yakobe i xisirhelelo xa hina lexi tlakukeke.+ Seʹlah.