Vaheveru

6 Hikwalaho, leswi se hi tshikeke dyondzo ya masungulo+malunghana na Kreste,+ a hi chivirikeleni eku wupfeni,+ hi nga ha tlheli hi veka masungulo,+ hileswaku, ku hundzuka emintirhweni leyi feke,+ ni ripfumelo eka Xikwembu,+ 2 ku dyondzisa hi ta minkhuvulo+ ni ku tlhandleka mavoko,+ ku pfuka ka vafi+ ni ku avanyisiwa+ loku nga heriki. 3 Naswona leswi hi ta swi endla, loko kunene Xikwembu xi swi pfumelela.+

4 Hikuva a swi koteki eka lava va tshameke va voningeriwa+ kan’we swi helela kwalaho, lava nantsweke nyiko+ ya mahala ya le tilweni, lava averiweke moya lowo kwetsima,+ 5 lava nantsweke+ rito lerinene ra Xikwembu ni matimba ya mafambiselo ya swilo+ lama taka, 6 kambe lava weke,+ ku va pfuxeta nakambe va hundzuka,+ hikuva va belela N’wana wa Xikwembu hi vuntshwa ni ku n’wi khomisa tingana+ erivaleni. 7 Hi xikombiso, misava leyi nwaka mpfula leyi hakanyingi yi naka ehenhla ka yona, kutani yi humesa swimila leswi fanelekaka eka lava va rimeriwaka+ swona, na yona yi amukela nkateko lowu humaka eka Xikwembu. 8 Kambe loko yi humesa mitwa ni swigatlu, ya bakanyiwa naswona yi le kusuhi ni ku rhukaniwa;+ kutani yi hetelela hi ku hisiwa.+

9 Hambiswiritano, malunghana na n’wina, varhandziwa, hambiloko hi vulavula hi ndlela leyi, ha kholwa hi swilo leswi antswaka ni swilo leswi fambisanaka ni ku ponisiwa. 10 Hikuva Xikwembu a xi pfumali ku lulama lerova xi nga rivala ntirho wa n’wina ni rirhandzu leri mi ri kombiseke hikwalaho ka vito+ ra xona, hileswi mi tirheleke vakwetsimi+ naswona ma ha ya emahlweni mi va tirhela. 11 Kambe hi navela leswaku un’wana ni un’wana wa n’wina a kombisa ku chivirika loku fanaka leswaku a va ni ku tiyiseka+ loku heleleke ka ntshembo+ ku fika emakumu,+ 12 leswaku mi nga vi na vulolo,+ kambe mi tekelela+ lava dyaka ndzhaka ya switshembiso+ hikwalaho ka ripfumelo ni ku lehisa mbilu.

13 Hikuva loko Xikwembu xi endla xitshembiso xa xona eka Abrahama,+ leswi a xi nga ta hlambanya+ hi munhu un’wana lonkulu, xi hlambanye ha xona n’wini, 14 xi ku: “Ndza vurisa ndzi ri loko ku ri ku ku katekisa ndzi ta ku katekisa, naswona loko ku ri ku ku andzisa+ ndzi ta ku andzisa.” 15 Xisweswo loko Abrahama a kombise ku lehisa mbilu, u kume xitshembiso+ lexi. 16 Hikuva vanhu va tiyisa hi munhu lonkulu,+ naswona xihlambanyo xa vona i makumu ya ku kanetana kun’wana ni kun’wana, hileswi ku nga xitiyisekiso xa le nawini xa vona.+ 17 Hi mukhuva lowu Xikwembu, loko xi kongome ku kombisa ku nga hundzuki+ ka ndzayo ya xona eka vadyandzhaka+ va xitshembiso hilaha ku teleke swinene, xi nghenelele hi xihlambanyo, 18 leswaku, hi swilo swimbirhi leswi nga hundzukiki leswi ha swona swi nga kotekiki leswaku Xikwembu xi hemba,+ hina lava balekeleke evuchavelweni hi kuma xikhutazo xa matimba xo khomelela eka ntshembo+ lowu vekiweke emahlweni ka hina. 19 Ntshembo+ lowu hi na wona tanihi nsoma wa moya-xiviri, wu tiyisekisiwile ni ku tiya, naswona wu nghena endzeni ka nguvu,+ 20 laha murhangeri a ngheneke kona hikwalaho ka hina,+ Yesu, la veke muprista lonkulu hi masiku+ hi ku ya hi mukhuva wa Melkisedeke.