Tipisalema
Eka mufambisi wa Yedutani. Miloti ya Davhida.
62 Hakunene moya-xiviriwa mina wu rindzele Xikwembu wu miyerile.+
Ku ponisiwa ka mina ku huma eka xona.+
2 Hakunene i ribye ra mina ni ku ponisiwa ka mina, i xisirhelelo xa mina lexi tlakukeke;+
A ndzi nge tsekatsekisiwi ngopfu.+
3 Xana mi ta n’wi mpfhumpfhela ku fikela rini munhu loyi mi nga ta n’wi dlaya hi vomu?+
Hinkwenu mi fana ni khumbi leri voyameke, rirhangu ra maribye leri susumetiwaka ri voyamela endzeni.+
4 Hakunene va endla kungu leswaku va tekela munhu xindzhuti xakwe;+
Va tsakisiwa hi mavunwa.+
Va katekisa hi milomu ya vona, kambe endzeni ka vona va rhukana.+ Seʹlah.
5 Hakunene rindzela Xikwembu u miyerile, Wena moya-xiviri+ wa mina,
Hikuva ntshembo+ wa mina wu huma eka xona.
6 Hakunene i ribye ra mina ni ku ponisiwa ka mina, i xisirhelelo xa mina lexi tlakukeke;+
A ndzi nge tsekatsekisiwi.+
7 Ku ponisiwa ka mina ni ku vangama ka mina ku le henhla ka Xikwembu.+
Ribye ra mina ro tiya, vutumbelo bya mina byi le ka Xikwembu.+
8 N’wina xi tshembeni minkarhi hinkwayo.+
Chululani timbilu ta n’wina emahlweni ka xona.+
Xikwembu i vutumbelo bya hina.+ Seʹlah.
9 Hakunene vana va munhu wa la misaveni i moya+ ntsena,
Vana va vanhu i mavunwa.+
Loko va vekiwa ehenhla ka xikalo hinkwavo ka vona va vevuka ku tlula moya.+