Tipisalema

83 Oho Xikwembu, u nga miyeli;+

U nga pfali nomu, u nga tshami u nga vulavuli, Wena Loyi a nga ni Vukwembu.+

 2 Hikuva waswivo, valala va wena va ni hasahasa;+

Ni lava va ku vengaka swinene va tlakuse nhloko ya vona.+

 3 Va lukela vanhu va wena mano exihundleni;+

Va boha xikhiri va bohela vanhu va wena lava tumbeleke.+

 4 Va te: “Tanani hi ta va herisa va nga ha vi tiko,+

Leswaku vito ra Israyele ri nga ha tlheli ri tsundzukiwa.”+

 5 Hikuva hi mbilu va tsundzuxanile hi vun’we;+

Va endle ntwanano wa ku lwa na wena,+

 6 Mintsonga ya Edomu+ ni Vaiximayele, Mowabu+ ni Vahageri,+

 7 Gebali, Amone+ na Amaleke,

Filisita+ swin’we ni vaaki va Tiri.+

 8 Na Asiriya ri tihlanganise na vona;+

Va ve voko ra vana va Lota.+ Seʹlah.

 9 Va endle hilaha u endleke hakona eka Midiyani,+ eka Sisera,+

Eka Yabini+ enkoveni wa Kixoni.+

10 Va lovisiwile aEni-dori;+

Va hundzuke vulongo bya misava.+

11 Loko ku ri vanhu va vona va xiyimo xa le henhla, va endle kukotisa Orebe, kukotisa Zebe,+

Kukotisa Zeba, kukotisa Salmuna tinghanakana takwe hinkwato,+

12 Leti vuleke ti ku: “A hi tekeni ndzhaka ya tindhawu to tshama eka tona ta Xikwembu.”+

13 Oho Xikwembu xanga, va endle va fana ni xigatlu xa xirhendzevutana,+

Ku fana ni mahlanga emahlweni ka mheho.+

14 Kukotisa ndzilo lowu hisaka khwati+

Kukotisa langavi leri vavulaka tintshava,+

15 Onge u nga va hlongorisa hi ndlela yoleyo hi xidzedze xa wena+

Onge u nga va kavanyeta hi mheho ya wena.+

16 Tata swikandza swa vona hi tingana,+

Leswaku vanhu va ta lavisisa vito ra wena, Wena Yehovha.+

17 Onge va nga khomiwa hi tingana, va vilela minkarhi hinkwayo,+

Onge va nga vekiwa ehansi, va lovisiwa;+

18 Leswaku vanhu va ta swi tiva+ leswaku wena loyi vito ra wena u nga Yehovha,+

Wena u ri wexe u La nge Henhla-henhla+ emisaveni hinkwayo.+