Tipisalema
104 Dzunisa Yehovha, Wena moya-xiviri wamina.+
Oho Yehovha Xikwembu xanga, u tikombise u ri nkulu ngopfu.+
U tiambexe+ xindzhuti ni ku vangama,
2 U titsondzela hi ku vonakala ku fana ni nguvu,+
U andlala matilo ku fana ni nguvu ya ntsonga,+
3 Loyi a akaka makamara ya le henhla hi timhandzi ematini,+
Loyi a endlaka mapapa ma va kalichi rakwe,+
Loyi a fambaka ehenhla ka timpapa ta mheho,+
4 Loyi a endlaka tintsumi takwe ti va mimoya,+
Vatirheli vakwe va va ndzilo lowu lovisaka.+
5 U simeke misava etindhawini leti a ti endleleke tona;+
A yi nge tsekatsekisiwi hilaha ku nga riki na makumu, kumbe hi masiku.+
7 Hi ku tshinya ka wena ma baleka;+
Hi mpfumawulo wa ku dzindza ka wena ma tsutsuma hi ku tshuka—
Rivala leri nga enkoveni ri rhelerile—
Ri ya endhawini leyi u ri simekeleke yona.
9 U veke ndzilakana, lowu ma nga fanelangiki ma wu tlula,+
Leswaku ma nga ha tlheli ma funengeta misava.+
11 Swivandzana hinkwaswo swa nhova swi tshamela ku nwa kona;+
Timangwa+ ti timula torha ra tona nkarhi hinkwawo.
12 Ehenhla ka swona ku ni byetlelo bya swivumbiwa leswi hahaka swa matilo;+
Ti hambeta ti humesa mpfumawulo exikarhi ka nhova yo tlhuma.+
13 U cheleta tintshava a ri emakamareni yakwe ya le henhla.+
Misava ya eneriseka hi mihandzu ya mintirho ya wena.+
14 U endla leswaku byanyi bya rihlaza byi hlukela swiharhi,+
Ni ximila lexi nga ta tirhisiwa hi vanhu,+
Leswaku xi humesa swakudya emisaveni,+
15 Ni vhinyo leyi tsakisaka+ mbilu ya munhu wa nyama,
Leswaku xikandza xi hatima hi mafurha,+
Ni xinkwa lexi tiyisaka mbilu ya munhu wa nyama.+
16 Mirhi ya Yehovha ya eneriseka,
Mikedari ya Lebanoni leyi a yi byaleke,+
17 Laha tinyenyana ti akaka swisaka kona.+
Loko ku ri ntavila, yindlu ya yona i mirhi ya yunipa.+
18 Tintshava leti tlakukeke+ i ta tinhongo ta le tintshaveni;+
Maribye i vutumbelo bya timbila ta le maribyeni.+
20 Wena u endla ku va ni munyama, leswaku ku ta va vusiku;+
Swiharhi hinkwaswo swa khwati swa famba-famba eka byona.
21 Swinghalana leswi nga ni ntshiva swa vomba swi lava lexi swi nga xi hlaselaka+
Ni ku lava swakudya swa swona eka Xikwembu.+
24 Mintirho ya wena yi tele swinene, Wena Yehovha!+
Hinkwayo ka yona u yi endle hi vutlhari.+
Misava yi tele rifuwo ra wena.+
25 Loko ku ri lwandle i rikulu swinene ri tlhela ri anama,+
Kona ku ni swilo swo tala ngopfu leswi famba-fambaka,+
Swivumbiwa leswi hanyaka, leswitsongo ni leswikulu.+
27 Hinkwaswo ka swona— swi tshama swi ku rindzerile+
Leswaku u swi nyika swakudya swa swona hi nguva ya kona.+
29 Loko u tumbeta xikandza xa wena, swa karhateka.+
Loko u susa moya wa swona, swa timeka,+
Swi tlhelela entshurini wa swona.+
30 Loko u rhumela moya wa wena, swa tumbuluxiwa;+
Naswona u endla leswaku xikandza xa misava xi va xintshwa.
31 Ku vangama ka Yehovha ku ta va kona hilaha ku nga riki na makumu.+
Yehovha u ta tsakela mintirho yakwe.+