Tipisalema
Xikhongelo xa Davhida.
17 Oho Yehovha, yingisa le swi lulameke; nyikela nyingiso eritweni ra mina ra xikombelo;+
Yingisa xikhongelo xa mina lexi nga vuriwangiki hi milomu ya vuxisi.+
3 U kambele mbilu ya mina, u yi kamberile nivusiku,+
U ndzi tengisile; u kuma leswaku a ndzi bohanga kungu.+
Nomu wa mina a wu nge wu tluli nawu.+
5 Milenge ya mina a yi fambe emitileni+ ya wena,
Laha milenge ya mina yi nga ta ka yi nga tsekatsekisiwi+ hakunene.
6 Mina ndzi vitana wena, hikuva u ta ndzi hlamula, Wena Xikwembu.+
Voyamisela ndleve ya wena eka mina. Yingisa rito ra mina.+
7 Endla leswaku swiendlo swa wena swa musa wa rirhandzu swi hlamarisa,+ Wena Muponisi wa lava va lavaka vutumbelo
Eka lava va pfukelaka voko ra wena ra xinene.+
8 Ndzi hlayise ku fana ni ndzololo ya tihlo,+
Onge u nga ndzi tumbeta+ endzhutini wa timpapa ta wena,
9 Hikwalaho ka lavo homboloka lava ndzi hlaselaka.
Valala va moyaxiviri wa mina va tshamela ku ndzi sivelela.+
10 Va tibiyelele hi mafurha ya vona;+
Va vulavule hi ku titlakusa+ hi milomu ya vona;
11 Malunghana ni milenge ya hina, sweswi va hi rhendzerile;+
Va kongomisa mahlo ya vona leswaku ma voyamela emisaveni.+
12 U languteka ku fana ni nghala leyi navelaka ku handzulela+
Ni xinghalana lexi tshamaka etindhawini leti tumbeleke.
13 Oho Yehovha, humelela; n’wi langute exikandzeni;+
N’wi nkhisamise; ponisa moyaxiviri wa mina eka lowo homboloka hi banga+ ra wena,
14 Hi voko ra wena eka vanhu, Wena Yehovha,+
Eka vanhu va mafambiselo+ ya swilo ya sweswi, lava xiavelo xa vona xi nga le vuton’wini+ lebyi,
Lava u tataka makhwiri ya vona hi xuma xa wena lexi tumbetiweke,+
Lava enerisekaka hi vana+
Lava hlayiselaka vana va vona leswi va swi siyaka.+