Tipisalema
א [ʼAʹleph]
5 Mawaku loko tindlela ta mina a ti lo simekiwa hilaha ku tiyeke+
Leswaku ndzi hlayisa swileriso swa wena!+
7 Ndzi ta ku dzunisa hi ku lulama ka mbilu,+
Loko ndzi dyondza swiboho swa wena swo lulama swa vuavanyisi.+
ב [Behth]
9 Xana jaha+ ri nga yi tengisisa ku yini ndlela ya rona?
Hi ku tshama ri rindzile hi ku landza rito ra wena.+
10 Ndzi ku lavisisile hi mbilu ya mina hinkwayo.+
U nga ndzi pepetsekisi ndzi siya swileriso swa wena.+
14 Ndzi khanile+ hi ndlela ya switsundzuxo swa wena,
Ku fana ni le ka swilo hinkwaswo leswi nga swa nkoka.+
ג [Giʹmel]
17 Endla hi ndlela leyi faneleke eka nandza wa wena, leswaku ndzi ta hanya+
Nileswaku ndzi ta hlayisa rito ra wena.+
18 Pfalula mahlo ya mina, leswaku ndzi ta vona+
Swilo leswi hlamarisaka leswi humaka enawini wa wena.+
23 Hambi ku ri tihosana ti tshamile; ti kanerile ku lwa na mina.+
Loko ku ri nandza wa wena, u anakanyisisa hi swileriso swa wena.+
ד [Daʹleth]
25 Moya-xiviri wa mina a wu namarhele ntshuri wunene.+
Ndzi londzovote ndzi hanya hi ku ya hi rito ra wena.+
27 Ndzi endle ndzi twisisa ndlela ya swileriso swa wena,+
Leswaku ndzi ta anakanyisisa hi mintirho ya wena yo hlamarisa.+
32 Ndzi ta tsutsuma endleleni ya swileriso swa wena,+
Hikuva u endla leswaku mbilu ya mina yi va ni ndhawu.+
ה [Heʼ]
33 Oho Yehovha, ndzi letele hi ndlela ya swileriso swa wena,+
Leswaku ndzi ta swi hlayisa ku fika emakumu.+
34 Ndzi endle ndzi twisisa, leswaku ndzi ta hlayisa nawu wa wena+
Leswaku ndzi ta wu hlayisa hi mbilu ya mina hinkwayo.+
37 Endla leswaku mahlo ya mina ma hundza ma nga swi voni swilo leswi nga pfuniki nchumu;+
Ndzi londzovote ndzi hanya endleleni ya wena.+
39 Endla leswaku ndzhukano wa mina wu hundza, lowu a ndzi wu chava,+
Hikuva swiboho swa wena swa vuavanyisi i swinene.+
ו [Waw]
41 Onge musa wa wena wa rirhandzu wu nga ta eka mina, Wena Yehovha,+
Ku ponisa ka wena hi ku ya hi rito ra wena,+
42 Leswaku ndzi ta n’wi hlamula hi rito loyi a ndzi rhukanaka,+
Hikuva ndzi tshembele eritweni ra wena.+
43 U nga ri susi hi ku helela rito ra ntiyiso enon’wini wa mina,+
Hikuva ndzi rindzele xiboho xa wena xa vuavanyisi.+
46 Ndzi ta tlhela ndzi vulavula hi switsundzuxo swa wena emahlweni ka tihosi,+
A ndzi nge khomiwi hi tingana.+
48 Ndzi ta tlakusela swandla swa mina eswilerisweni swa wena leswi ndzi swi rhandzeke,+
Naswona ndzi ta anakanyisisa hi swileriso swa wena.+
ז [Zaʹyin]
50 Lowu i nchavelelo wa mina eku xanisekeni ka mina,+
Hikuva rito ra wena ri ndzi londzovote ndzi hanya.+
52 Oho Yehovha,+ ndzi swi tsundzukile swiboho swa wena swa vuavanyisi hilaha ku nga riki na makumu,
Naswona ndzi tikumela nchavelelo.+
ח [Chehth]
59 Ndzi ti xiyile tindlela ta mina,+
Leswaku ndzi ta tlherisela milenge ya mina eswitsundzuxweni swa wena.+
62 Ndza pfuka exikarhi ka vusiku leswaku ndzi ku nkhensa+
Hikwalaho ka swiboho swa wena swo lulama swa vuavanyisi.+
ט [Tehth]
66 Ndzi dyondzise vunene,+ ku twisisa+ ni vutivi,+
Hikuva ndzi kombise ripfumelo eswilerisweni swa wena.+
69 Lava tikukumuxaka va ndzi tote mavunwa.+
Loko ku ri mina, ndzi ta hlayisa swileriso+ swa wena hi mbilu ya mina hinkwayo.
י [Yohdh]
73 Mavoko ya wena ma ndzi endlile, ma ndzi simeke ndzi tiya.+
Ndzi endle ndzi twisisa, leswaku ndzi ta dyondza swileriso swa wena.+
75 Oho Yehovha, ndzi swi tiva kahle leswaku swiboho swa wena swa vuavanyisi swi lulamile+
Nileswaku u ndzi xanise hi vutshembeki.+
76 Ndzi kombela leswaku musa wa wena wa rirhandzu wu ndzi chavelela,+
Hi ku ya hi rito ra wena eka nandza wa wena.+
77 Tintswalo ta wena a ti te eka mina, leswaku ndzi ta hambeta ndzi hanya;+
Hikuva ndzi rhandza nawu wa wena.+
78 Lava tikukumuxaka a va khomiwe hi tingana, hikuva va ndzi hambukisile ku nga ri na xivangelo.+
Loko ku ri mina, ndzi anakanyisisa hi swileriso swa wena.+
כ [Kaph]
85 Lava va tikukumuxaka va cele mincele leswaku va ndzi phasa,+
Lava va nga fambiki hi nawu wa wena.+
86 Swileriso swa wena hinkwaswo swa tshembeka.+
Va ndzi xanisile ku nga ri na xivangelo. Oho, ndzi pfune.+
87 Hi nkarhinyana a va ta va va ndzi lovisile emisaveni;+
Kambe mina a ndzi swi tshikanga swileriso swa wena.+
88 Ndzi londzovote ndzi hanya hi ku ya hi musa wa wena wa rirhandzu,+
Leswaku ndzi ta hlayisa xitsundzuxo xa nomu wa wena.+
ל [Laʹmedh]
90 Wena wa tshembeka eka xitukulwana xin’wana ku ya eka xitukulwana xin’wana.+
Misava u yi simeke yi tiya, leswaku yi tshama hi masiku.+
91 Swi yime ku fikela namuntlha hi ku ya hi swiboho swa wena swa vuavanyisi,+
Hikuva hinkwaswo i malandza ya wena.+
92 Loko nawu wa wena a ku nga ri nchumu lowu ndzi wu rhandzaka,+
Kutani a ndzi ta va ndzi lovile eku xanisekeni ka mina.+
93 A ndzi nge swi rivali swileriso+ swa wena hilaha ku nga riki na makumu,
U ndzi londzovote ndzi hanya hikwalaho ka swona.+
95 Hikuva lavo homboloka va ndzi rindzile, leswaku va ndzi lovisa.+
Ndzi tshama ndzi rhiye ndleve ku yingisa switsundzuxo swa wena.+
מ [Mem]
98 Xileriso xa wena xi ndzi endla ndzi tlhariha ku tlula valala va mina,+
Hikuva i xa mina hilaha ku nga riki na makumu.+
99 Ndzi kume ku twisisa lokukulu ku tlula vadyondzisi va mina hinkwavo,+
Hikuva ndzi anakanyisisa hi switsundzuxo swa wena.+
100 Ndzi tikhoma hi ku twisisa lokukulu ku tlula vakulukumba,+
Hikuva ndzi hlayise swileriso swa wena.+
101 Milenge+ ya mina ndzi yi siverile leswaku yi nga yi endleleni yin’wana ni yin’wana yo biha,
Hi xikongomelo xa leswaku ndzi hlayisa rito ra wena.+
104 Ndzi tikhoma hi ku twisisa hikwalaho ka swileriso swa wena.+
Hi yona mhaka leyi ndzi vengeke ndlela yin’wana ni yin’wana ya vunwa.+
נ [Nun]
106 Ndzi hlambanyile hi rito, ndzi ta ri hetisisa,+
Leswaku ndzi hlayisa swiboho swa wena swo lulama swa vuavanyisi.+
107 Ndzi xanisiwe ngopfu swinene.+
Oho Yehovha, ndzi londzovote ndzi hanya hi ku ya hi rito ra wena.+
108 Ndzi kombela u tsakela magandzelo ya ku tirhandzela ya nomu wa mina, Wena Yehovha,+
Naswona u ndzi dyondzisa swiboho swa wena swa vuavanyisi.+
109 Moya-xiviri wa mina wu le xandleni xa mina nkarhi hinkwawo;+
Kambe nawu wa wena a ndzi wu rivalanga.+
111 Ndzi teke switsundzuxo swa wena swi ri ndzhaka ya mina hilaha ku nga riki na makumu,+
Hikuva swi endla mbilu ya mina yi khana.+
112 Ndzi voyamise mbilu ya mina leswaku yi endla swileriso swa wena+
Hilaha ku nga heriki, ku ya emakumu.+
ס [Saʹmekh]
114 U ndhawu ya mina ya ku tumbela eka yona ni xitlhangu xa mina.+
Hikuva ndzi rindzele rito ra wena.+
115 Sukani eka mina, n’wina vaendli va leswo biha,+
Leswaku ndzi ta hlayisa swileriso swa Xikwembu xanga.+
116 Ndzi seketele hi ku ya hi rito ra wena, leswaku ndzi ta hambeta ndzi hanya,+
U nga ndzi khomisi tingana hikwalaho ka ntshembo wa mina.+
117 Ndzi seketele, leswaku ndzi ta ponisiwa,+
Naswona ndzi ta honolela swileriso swa wena nkarhi hinkwawo.+
118 U va cukumetele ekule hinkwavo lava hambukaka eswilerisweni swa wena;+
Hikuva vukanganyisi bya vona i mavunwa.+
119 Hinkwavo lavo homboloka va misava u va herise ku fana ni ripambe.+
Hikokwalaho ndzi rhandze switsundzuxo swa wena.+
120 Nyama ya mina yi rhurhumerile hikwalaho ka ku ku chava;+
Naswona ndzi ve ni rhumbu hikwalaho ka swiboho swa wena swa vuavanyisi.+
ע [ʽAʹyin]
122 Vana xitiyisekiso eka nandza wa wena malunghana ni leswinene.+
Onge ndzi nga ka ndzi nga dyeleriwi hi lava va tikukumuxaka.+
124 Endla eka nandza wa wena hi ku ya hi musa wa wena wa rirhandzu,+
Naswona ndzi dyondzise swileriso swa wena.+
127 Hi yona mhaka leyi ndzi rhandzeke swileriso swa wena+
Ku tlula nsuku, hambi ku ri nsuku lowu tengisiweke.+
128 Hi yona mhaka leyi ndzi languteke swileriso hinkwaswo malunghana ni swilo hinkwaswo swi ri leswi lulameke;+
Ndzi yi vengile ndlela yin’wana ni yin’wana ya vunwa.+
פ [Peʼ]
130 Ku paluxeka ka marito ya wena ku humesa ku vonakala,+
Ku endla lava nga riki na ntokoto leswaku va twisisa.+
131 Ndzi wu ahlamisile swinene nomu wa mina, leswaku ndzi hefemulela ehenhla,+
Hikuva ndzi navele swileriso swa wena.+
132 Hundzulukela eka mina u ndzi komba tintswalo,+
Hi ku ya hi xiboho xa wena xa vuavanyisi eka lava va rhandzaka vito ra wena.+
133 Simeka milenge ya mina yi tiya eritweni ra wena,+
Naswona ku nga vi na nchumu wo biha lowu ndzi lawulaka.+
136 Swinambyana swa mati swi rhelele ematihlweni ya mina+
Hikwalaho ka leswi va nga wu hlayisangiki nawu wa wena.+
צ [Tsa·dhehʹ]
144 Ku lulama ka switsundzuxo swa wena i ka hilaha ku nga riki na makumu.+
Ndzi endle ndzi twisisa, leswaku ndzi ta hambeta ndzi hanya.+
ק [Qohph]
145 Ndzi vitanile hi mbilu hinkwayo.+ Ndzi hlamule, Wena Yehovha.+
Ndzi ta hlayisa swileriso swa wena.+
147 Ndzi pfuke nimpundzu swinene hi ku vonakala ka nimixo,+ leswaku ndzi kombela ku pfuniwa.+
Hikuva ndzi rindzele marito ya wena.+
148 Mahlo ya mina a ma ri emahlweni ka ku rindza ka nivusiku,+
Leswaku ndzi anakanyisisa hi rito ra wena.+
149 Twana rito ra mina hi ku ya hi musa wa wena wa rirhandzu.+
Oho Yehovha, ndzi londzovote ndzi hanya hi ku ya hi xiboho xa wena xa vuavanyisi.+
152 Switsundzuxo+ swa wena swin’wana ndzi swi tive khale swinene,
Hikuva u swi simeke swi va swa hilaha ku nga riki na makumu.+
ר [Rehsh]
154 Kambisisa nandzu wa mina, u ndzi ponisa;+
Ndzi londzovote ndzi hanya hi ku pfumelelana ni rito ra wena.+
155 Ku ponisiwa ku le kule swinene ni lavo homboloka,+
Hikuva a va swi lavisisanga swileriso swa wena.+
156 Tintswalo ta wena ti tele, Wena Yehovha.+
Ndzi londzovote ndzi hanya, hi ku ya hi swiboho swa wena swa vuavanyisi.+
158 Ndzi vone lava xengaka eswiendlweni swa vona,+
Ndza va nyenya, hikuva a va ri hlayisanga rito ra wena.+
159 Vona leswaku ndzi swi rhandzile swileriso swa wena.+
Oho Yehovha, ndzi londzovote ndzi hanya hi ku ya hi musa wa wena wa rirhandzu.+
160 Mongo wa rito ra wena i ntiyiso,+
Naswona xiboho xa wena xin’wana ni xin’wana xa vuavanyisi i xa hilaha ku nga riki na makumu.+
ש [Sin] kumbe [Shin]
161 Tihosana ti ndzi xanisile ku nga ri na xivangelo,+
Kambe mbilu ya mina a yi chava marito ya wena.+
168 Ndzi hlayise swileriso swa wena ni switsundzuxo swa wena,+
Hikuva tindlela ta mina hinkwato ti le mahlweni ka wena.+
ת [Taw]
169 Onge rito ra mina ra xikombelo ri nga fika emahlweni ka wena, Wena Yehovha.+
Ndzi endle ndzi twisisa,+ hi ku ya hi rito ra wena.
170 Onge xikombelo xa mina xa tintswalo xi nga nghena emahlweni ka wena.+
Ndzi kutsule hi ku ya hi rito ra wena.+
172 Onge ririmi ra mina ri nga yimbelela rito ra wena,+
Hikuva swileriso swa wena hinkwaswo swi lulamile.+