Eka mufambisi. Ya vana va Kora. Miloti.
47 Phokotelani mavoko+ n’wina hinkwenu.
Huwelelani eka Xikwembu hi mpfumawulo wa ku huwelela ka ku tsaka.+
2 Hikuva Yehovha La nge Henhla-henhla wa chaviseka,+
I Hosi leyikulu ehenhla ka misava hinkwayo.+
3 U ta hlula vanhu lava nga ehansi ka hina+
Ni vanhu va matiko lava nga ehansi ka milenge ya hina.+
4 U ta hi hlawulela ndzhaka,+
Ku tinyungubyisa ka Yakobe, loyi a n’wi rhandzaka.+ Seʹlah.
5 Xikwembu xi tlhandluke hi ku huwelela ka ku tsaka,+
Yehovha hi mpfumawulo wa nanga.+
6 Yimbelelelani Xikwembu miloti, yimbelelani miloti.+
Yimbelelelani Hosi ya hina miloti, yimbelelani miloti.
7 Hikuva Xikwembu i Hosi ya misava hinkwayo;+
Yimbelelani miloti, endlani hi vutlhari.+
8 Xikwembu i hosi ehenhla ka matiko.+
Xikwembu xi tshame exiluvelweni xa xona xo kwetsima.+
9 Va xiyimo xa le henhla exikarhi ka vanhu va hlengeletane swin’we,+
Ni vanhu va Xikwembu xa Abrahama.+
Hikuva switlhangu swa misava i swa Xikwembu.+
Xi le henhla-henhla eku tlakukeni+ ka xona.