Tipisalema
Eka mufambisi. “U nga lovisi.” Ya Davhida. Miktami. Loko a baleka Sawulo, a nghena ebakweni.+
57 Oho Xikwembu, ndzi kombe tintswalo, ndzikombe tintswalo,+
Hikuva moya-xiviri wa mina wu tumbele+ eka wena;
Naswona endzhutini wa timpapa ta wena, ndzi tumbele kona ku fikela loko maxangu ma hundza.+
2 Ndzi vitana Xikwembu Lexi nge Henhla-henhla, eka Xikwembu xa ntiyiso lexi xi va herisaka hikwalaho ka mina.+
3 Xi ta rhumela ku suka etilweni, xi ndzi ponisa.+
Kunene xi ta pfilunganya la ndzi kavatlulaka.+ Seʹlah.
Xikwembu xi ta rhumela musa wa xona wa rirhandzu ni ntiyiso wa xona.+
4 Moya-xiviri wa mina wu le xikarhi ka tinghala;+
Ndzi etlela exikarhi ka vanhu lava lovisaka, vana va vanhu,
Lava meno ya vona ma nga mafumu ni miseve,+
Lava ririmi ra vona ku nga banga ro kariha.+
6 Va lunghiselele rikoka emilengeni ya mina;+
Moya-xiviri wa mina wu nkhinsamile.+
Va ndzi celele khele emahlweni ka mina;
Va wele endzeni ka rona.+ Seʹlah.
7 Oho Xikwembu, mbilu ya mina yi yime yi tiya,+
Mbilu ya mina yi yime yi tiya.
Ndzi ta yimbelela ndzi ba miloti.+
8 Xalamuka, Wena ku vangama ka mina;+
Xalamuka, Wena xichayachayana xa switende; na Wena haripa.+
Ndzi ta pfuxa vurhonga.
9 Ndzi ta ku dzunisa exikarhi ka vanhu, Wena Yehovha;+
Ndzi ta ku yimbelelela miloti exikarhi ka vanhu va matiko.+