Tipisalema
Dzunisani vito ra Yehovha,+
N’wi dzuniseni, N’wina malandza yaYehovha,+
2 N’wina lava yimaka endlwini ya Yehovha,+
Eswivaveni swa yindlu ya Xikwembu xa hina.+
5 Hikuva mina ndzi swi tiva kahle leswaku Yehovha hi lonkulu,+
Naswona Hosi ya hina yi tlula swikwembu leswin’wana hinkwaswo.+
6 Hinkwaswo leswi Yehovha a a tsakela ku swi endla u swi endlile+
Ematilweni ni le misaveni, emalwandle ni le swidziveni hinkwaswo swa mati.+
7 U tlhandlukisa hunguva yi huma evugima-musi bya misava;+
U endle ni migerho ya mpfula;+
U humesa mheho eswitlatini swakwe,+
8 Yena la dlayeke mativula ya Egipta,+
Vanhu ni swiharhi.+
9 U rhumele swikombiso ni masingita exikarhi ka wena, Wena Egipta,+
Ehenhla ka Faro ni le henhla ka malandza yakwe hinkwawo;+
10 Yena la dlayeke matiko yo tala+
Ni ku dlaya tihosi ta matimba,+
11 Hambi ku ri Sihoni hosi ya Vaamori+
Na Ogo hosi ya Baxani+
Ni tihosi hinkwato ta mimfumo ya Kanana,+
12 La nyikeke tiko ra vona ri va ndzhaka,+
Ri va ndzhaka ya vanhu vakwe va Israyele.+
13 Oho Yehovha, vito ra wena i ra hilaha ku nga riki na makumu.+
Oho Yehovha, xitsundzuxo xa wena xi suka eka xitukulwana xin’wana xi ya eka xitukulwana xin’wana.+
14 Hikuva Yehovha u ta rivalela vanhu+ vakwe nandzu wa vona,
Naswona u ta tisola hikwalaho ka malandza yakwe.+
15 Swifaniso swa hava swa vanhu va matiko i silivhere ni nsuku,+
Ntirho wa mavoko ya vanhu va nyama.+