2 Tikronika
8 Eku heleni ka malembe ya 20,+ lawa ha wona Solomoni a akeke yindlu ya Yehovha+ ni yindlu yakwe,+ 2 miti leyi Hiramu+ a yi nyikeke Solomoni—Solomoni u yi pfuxile kutani a tshamisisa vana va Israyele eka yona. 3 Ku tlula kwalaho, Solomoni a ya eHamati-soba, a wu hlula. 4 Kutani a pfuxa Tadimora emananga ni miti hinkwayo ya vuhlayiselo+ leyi a yi akeke eHamati.+ 5 A ya emahlweni a aka Beta-horoni wa le Henhla+ na Beta-horoni wa le Hansi,+ miti leyi tiyisiweke hi marhangu,+ tinyangwa ni xigogo,+ 6 na Balata+ ni miti hinkwayo ya vuhlayiselo leyi yi veke ya Solomoni ni miti hinkwayo ya makalichi+ ni miti ya vagadi va tihanci+ ni xilo xin’wana ni xin’wana lexi navelekaka xa Solomoni+ lexi a naveleke ku xi aka eYerusalema ni le Lebanoni+ ni le tikweni hinkwaro leri a ri lawuriwa hi yena.
7 Loko ku ri vanhu hinkwavo lava va seleke eka Vaheti+ ni Vaamori+ ni Vaperezi+ ni Vahivhi+ ni Vayebusi+ lava a va nga ri xiphemu xa Vaisrayele,+ 8 eka vana va vona lava va siyiweke endzhaku ka vona etikweni, lava vana va Israyele va nga va nyikelangiki endzovisweni,+ Solomoni u ye emahlweni a va vitana+ leswaku va endla ntirho wo sindzisiwa ku fikela esikwini leri.+ 9 Kambe a va kona eka vana va Israyele lava Solomoni a va vekeke va va mahlonga entirhweni wakwe;+ hikuva a va ri valwi+ ni tindhuna ta swandla swa vafambisi vakwe ni varhangeri va vachayeri vakwe va makalichi+ ni vagadi vakwe va tihanci.+ 10 Leti a ku ri tindhuna ta vayimeri+ lava a va ri va Hosi Solomoni, tindhuna ta vanhu, ti ri 250.+
11 Solomoni a humesa n’wana wa Faro+ wa nhwanyana eMutini wa Davhida+ ku ya endlwini leyi a n’wi akeleke yona,+ hikuva u te: “Hambileswi a nga nsati wa mina, a nga fanelanga a tshama endlwini ya Davhida hosi ya Israyele, hikuva tindhawu leti areka ya Yehovha yi ngheneke eka tona ta kwetsima.”+
12 Hi wona nkarhi lowu Solomoni a humeseke switlhavelo swo hisiwa+ swi ya eka Yehovha ehenhla ka alitari+ ya Yehovha leyi a yi akeke emahlweni ka rikupakupa,+ 13 yi va mhaka ya siku ni siku+ ya ku endla magandzelo hi ku landza xileriso xa Muxe malunghana ni tisavata+ ni ku thwasa ka n’weti+ ni minkhuvo leyi vekiweke+ kanharhu hi lembe,+ enkhubyeni wa swinkwa leswo-ke-comela+ ni le nkhubyeni wa mavhiki+ ni le nkhubyeni wa mintsonga.+ 14 Ku tlula kwalaho, a veka mintlawa+ ya vaprista leswaku va langutela mintirho hi ku landza nawu wa Davhida tata wakwe,+ ni Valevhi+ emintirhweni leyi a va ri eka yona, leswaku va dzunisa+ ni ku tirhela+ emahlweni ka vaprista ku ri mhaka ya siku ni siku,+ ni varindzi va tinyangwa hi mintlawa ya vona etinyangweni to hambana-hambana,+ hikuva xexo a ku ri xileriso xa Davhida munhu wa Xikwembu xa ntiyiso. 15 A va hambukanga exilerisweni xa hosi lexi yi xi nyikeke vaprista ni Valevhi lexi khumbaka mhaka yin’wana ni yin’wana ni lexi khumbaka mphakelo.+ 16 Kutani ntirho wa Solomoni hinkwawo a wu lunghekile+ ku sukela esikwini ra ku veka masungulo ya yindlu ya Yehovha ku fikela loko yi hela.+ Yindlu ya Yehovha yi herisa xisweswo.+
17 Hi wona nkarhi lowu Solomoni a yeke ha wona aEsiyoni-gebere+ ni le Elata+ entsungeni wa ribuwa ra lwandle etikweni ra Edomu.+ 18 Kutani nkarhi ni nkarhi Hiramu+ a n’wi rhumela swikepe hi malandza yakwe ni malandza lawa ma tivaka lwandle,+ ma ta ni malandza ya Solomoni eOfiri,+ ma teka kwalaho titalenta ta 450+ ta nsuku+ ma ti tisa eka Hosi Solomoni.+