Tipisalema

85 Oho Yehovha, u tsakele tiko ra wena;+

U vuyise vanhu va Yakobe lava a va yisiwe evukhumbini.+

 2 U rivalele xidyoho xa vanhu va wena;+

U funengete xidyoho xa vona hinkwaxo.+ Seʹlah.

 3 U lawule ku hlundzuka ka wena hinkwako;+

U tlherise ku hlundzuka ka wena hinkwako.+

 4 Hi hlengelete u hi vuyisa, Wena Xikwembu xa ku ponisiwa ka hina,+

U nga ha dyiwi hi mbitsi hikwalaho ka hina.+

 5 Xana u ta hi hlundzukela hilaha ku nga riki na makumu?+

Xana u ta kombisa ku hlundzuka ka wena ku suka eka xitukulwana xin’wana ku ya eka xitukulwana xin’wana?+

 6 Xana wena u nge tlheli u hi hanyisa,+

Leswaku vanhu va wena va ta tsaka eka wena?+

 7 Oho Yehovha, hi kombe musa wa wena wa rirhandzu,+

Onge u nga hi ponisa.+

 8 Ndzi ta swi twa leswi Yehovha Xikwembu xa ntiyiso a nga ta swi vula,+

Hikuva u ta vula ku rhula eka vanhu+ vakwe ni le ka lavo tshembeka vakwe,

Kambe vona va nga tlheli va titshemba.+

 9 Hakunene ku ponisa ka yena ku le kusuhi ni lava va n’wi chavaka,+

Leswaku ku vangama ku tshama etikweni ra hina.+

10 Loko ku ri musa wa rirhandzu ni ntiyiso, swi hlanganile;+

Ku lulama ni ku rhula—swi ntswontswanile.+

11 Ntiyiso wu ta hluka emisaveni,+

Ni ku lulama ku ta languta ehansi ku ri ematilweni.+

12 Loko ku ri Yehovha, na yena u ta humesa leswinene,+

Ni tiko ra hina ri ta humesa ntshovelo wa rona.+

13 Ku lulama ku ta famba emahlweni ka yena,+

Naswona ku ta endla ndlela hi milenge yakwe.+