Risimu ra ku Tlhandluka.Ya Davhida.
122 Ndzi tsakile loko va ku eka mina:+
“A hi ye+ endlwini ya Yehovha.”+
2 Milenge ya hina yi vonaka yi yimile+
Etinyangweni ta wena, Wena Yerusalema.+
3 Yerusalema hi yena la akiweke kukota muti+
Lowu hlanganisiweke hi vun’we,+
4 Lowu tinyimba ti tlhandlukeleke eka wona,+
Tinyimba ta Yah,+
Ti va xitsundzuxo eka Israyele+
Ku nkhensa vito ra Yehovha.+
5 Hikuva swiluvelo swa vuavanyisi swi vekiwe kwalaho,+
Swiluvelo swa yindlu ya Davhida.+
6 N’wina vanhu, kombelani ku rhula ka Yerusalema.+
Wena muti, lava va ku rhandzaka, a va nge he karhatiwi hi nchumu.+
7 Onge ku rhula ku nga tshama ku ri kona erirhangwini ra wena,+
U nga ha karhatiwi hi nchumu eswihondzweni swa wena swo tshama eka swona.+
8 Ndzi ta vulavula sweswi, hikwalaho ka vamakwerhu ni vanakulorhi:+
“Onge u nga va ni ku rhula.”+
9 Hikwalaho ka yindlu ya Yehovha Xikwembu xa hina+
Ndzi ta hambeta ndzi ku lavela leswinene.+