Yoxuwa

15 Kutani vuhlolotwana+ bya nyimba ya vana va Yuda hi mindyangu ya vona byi ve ndzilakana wa Edomu,+ mananga ya Zini,+ ku ya eNegebu+ emakumu ka yona hi tlhelo ra le dzongeni. 2 Ndzilakana wa vona wa le dzongeni wu ve emakumu ka Lwandle ra Munyu,+ ku suka ensongeni lowu languteke etlhelo ra le dzongeni. 3 Kutani wu hundza wu ya etlhelo ra le dzongeni exintshabyanini xa Akrabimi,+ wu hundzela eZini,+ wu tlhandluka ku suka edzongeni wu ya eKadexi-baniya+ kutani wu hundzela eHezroni, wu ya eAdara wu rhendzela Karika. 4 Wu fika eAzimoni+ wu hundzela enkoveni wa Egipta;+ ndzilakana a wu helela elwandle. Lowu ku ve ndzilakana wa vona wa le dzongeni.

5 Ndzilakana wa le vuxeni a ku ri Lwandle ra Munyu ku ya fika emakumu ka Yordani, naswona ndzilakana wa le yinhleni ya le n’walungwini a wu ri ensongeni wa lwandle, emakumu ka Yordani.+ 6 Kutani ndzilakana wu tlhandlukela eBeta-hogila+ wu hundza en’walungwini wa Beta-araba,+ naswona ndzilakana wu tlhandlukela eribyeni ra Bohani+ n’wana wa Ruveni. 7 Ndzilakana wu tlhandlukela eDebiri erivaleni ra le hansi eAkora+ naswona wu ya etlhelo ra le n’walungwini wa Giligala,+ lowu nga emahlweni ka ntlhandluko wa Adumimi, lowu nga edzongeni wa nkova; ndzilakana wu hundzela ematini ya Eni-xemexi,+ wu helela aEni-rogele.+ 8 Ndzilakana wu tlhandlukela erigiyagiyeni ra n’wana wa Hinomu+ wa Vayebusi+ edzongeni, hileswaku, eYerusalema;+ ndzilakana wu tlhandlukela ehenhla ka ntshava leyi langutaneke ni nkova wa Hinomu ku ya evupela-dyambu, leyi nga emakumu ka rivala ra le hansi ra Refayimi+ ku ya en’walungwini. 9 Naswona ndzilakana a wu funghiwile ku suka ehenhla ka ntshava ku ya exihlobyeni xa mati ya Nefitowa,+ kutani wu tlhandlukela emitini ya Ntshava ya Efroni; ndzilakana a wu funghiwe eBala,+ hileswaku, Kiriyati-yeyarimi.+ 10 Ndzilakana wu rhendzeleka ku suka eBala evupela-dyambu bya Ntshava ya Seyiri kutani wu hundzela erigiyagiyeni ra Ntshava ya Yeyarimi en’walungwini, hileswaku Kesaloni; wu rhelela ku ya eBeta-xemexe+ kutani wu hundzela eTimna.+ 11 Ndzilakana wu hundzela erigiyagiyeni ra Ekroni+ en’walungwini, naswona ndzilakana a wu funghiwile ku ya fika eXikeroni ku hundzela eNtshaveni ya Bala ni le Yabinele; naswona ndzilakana a wu helela elwandle.

12 Ndzilakana wa le vupela-dyambu a wu ri eLwandle Lerikulu+ ni le tikweni ra rona leri lulamaka ni ribuwa. Lowu a wu ri ndzilakana lowu rhendzeleke hinkwako, wa vana va Yuda hi mindyangu ya vona.

13 Kutani a avela Kalebe+ n’wana wa Yefune exikarhi ka vana va Yuda hi ku landza xileriso xa Yehovha eka Yoxuwa, ku nga Kiriyati-aba (leswi vulaka leswaku Araba i tata wa Anaka), hileswaku, Hebroni.+ 14 Hiloko Kalebe a hlongola vana vanharhu va Anaka+ va suka kwalaho, ku nga Sexayi,+ Ahimani na Talimayi,+ lava velekiweke hi Anaka.+ 15 Kutani a tlhandlukela eka vaaki va Debiri.+ (Emahlweni ka kwalaho, vito ra Debiri a ku ri Kiriyati-sefere.)+ 16 Kalebe a ku: “Mani na mani la hlaselaka Kiriyati-sefere kutani a wu teka, ndzi ta n’wi nyika Akisa+ n’wana wa mina leswaku a va nsati wakwe.” 17 Hiloko Otiniyele+ n’wana wa Kenazi,+ makwavo wa Kalebe, a wu teka. Kutani a n’wi nyika Akisa+ n’wana wakwe leswaku a va nsati wakwe. 18 Loko va ri endleleni ya ku ya ekaya, a hambeta a n’wi hlohlotela leswaku a kombela nsimu eka tata wakwe. Kutani a phokotela mavoko a ri ehenhla ka mbhongolo. Hiloko Kalebe a ku eka yena: “U lava yini?”+ 19 Yena a ku: “Ndzi nyike nkateko, hikuva u ndzi nyike xiphemu xa tiko etlhelo ra le dzongeni, u ta ndzi nyika Guloti-mayima.” Hiloko a n’wi nyika Guloti ya le Henhla na Guloti ya le Hansi.+

20 Leyi a ku ri ndzhaka+ ya nyimba ya vana va Yuda+ hi mindyangu ya vona.

21 Miti leyi nga emakumu ka nyimba ya vana va Yuda ku ya endzilakaneni wa Edomu+ edzongeni a ku ri Kabizele+ na Edere na Yaguru, 22 na Kina na Demona na Adada, 23 na Kedexi na Hasora na Itanana, 24 Sifi na Teleme+ na Beyaloto, 25 na Hasora-hadata na Keriyoti-hezironi, hileswaku, Hasora, 26 Amamu na Xema na Mulada,+ 27 na Hasara-gada na Heximoni na Beta-pelete,+ 28 na Hasara-xuwala+ na Bera-xeba+ na Biziyotiya, 29 Bala+ na Ima na Esemu,+ 30 na Elitolada na Kesili na Horma,+ 31 na Sikilaga+ na Madimana na Sanisana, 32 na Lebawoto na Xilihimi na Ayini+ na Rimoni;+ miti hinkwayo yi ri 29, ku katsa ni swimitana swa yona.

33 EXefela+ a ku ri na Exitawoli+ na Sora+ na Axina, 34 na Zanowa+ na Eni-ganimu, Tapuwa na Enamu, 35 Yaramutu+ na Adulamu,+ Sokho+ na Azeka,+ 36 na Xarayimi+ na Aditayimi na Gedera na Gederotayimi; miti ya 14 ni swimitana swa yona.

37 Senana na Hadaxa na Migdali-gadi, 38 na Dileyani na Mizpe na Yokitele, 39 Lakixi+ na Bosikata+ na Egiloni,+ 40 na Kaboni na Lahimasi na Kitilixi, 41 na Gederoti, Beta-dagoni na Nayama na Makeda;+ miti ya 16 ni swimitana swa yona.

42 Libna+ na Etere+ na Axani, 43 na Ifuta na Axina na Nezibi, 44 na Keyila+ na Akizibi+ na Marixa;+ miti ya kaye ni swimitana swa yona.

45 Ekroni+ ni miti leyi titshegeke ha wona ni swimitana swa yona. 46 Ku sukela aEkroni ku ya etlhelo ra vupela-dyambu hinkwaro ku lulama na Axidodo ni swimitana swa yona.

47 Axidodo,+ miti leyi titshegeke ha wona ni swimitana swa yona; Gaza,+ miti leyi titshegeke ha wona ni swimitana swa yona, ku ya enkoveni wa Egipta, ni Lwandle Lerikulu ni xifundzha xa le kusuhi.+

48 Endhawini ya tintshava ya Xamiri na Yatiri+ na Sokho, 49 na Dana na Kiriyati-sana, hileswaku, Debiri, 50 na Anabu na Exitemo+ na Animi, 51 na Goxeni+ na Holoni na Gilo;+ miti ya 11 ni swimitana swa yona.

52 Arabiya na Duma na Exa, 53 na Yanimi na Beta-tapuwa na Afeka, 54 na Humuta na Kiriyati-aba, hileswaku, Hebroni,+ na Siyori; miti ya kaye ni swimitana swa yona.

55 Mawoni,+ Karimeli na Sifi+ na Yuta, 56 na Yizriyele na Yokidiyama na Zanowa, 57 Kayina, Gibiya na Timna;+ miti ya khume ni swimitana swa yona.

58 Halahulu, Beta-suru na Gedori, 59 na Marati na Beta-anoto na Elitekoni; miti ya tsevu ni swimitana swa yona.

60 Kiriyati-bali,+ hileswaku, Kiriyati-yeyarimi,+ na Rhaba; miti yimbirhi ni swimitana swa yona.

61 Emananga, Beta-araba,+ Midini na Sikaka, 62 na Nibixani ni Muti wa Munyu na Eni-gedi;+ miti ya tsevu ni swimitana swa yona.

63 Loko ku ri Vayebusi+ lava a va tshama eYerusalema,+ vana va Yuda a va swi kotanga ku va hlongola;+ kutani Vayebusi va ya emahlweni va tshama ni vana va Yuda eYerusalema ku ta fikela esikwini leri.