Tipisalema

34 Ndzi ta nkhensa Yehovha minkarhi hinkwayo;+

Ku n’wi dzunisa ku ta va enon’wini wa mi na nkarhi hinkwa wo.+

 2 Moyaxiviri wa mina wu ta tibuma+ eka Yehovha;

Lavo rhula va ta swi twa, kutani va tsaka.+

 3 Oho n’wina vanhu, twarisani Yehovha mi ri na mina,+

A hi tlakuseni vito rakwe swin’we.+

 4 Ndzi vutise Yehovha, kutani a ndzi hlamula,+

U ndzi kutsurile eku chaveni ka mina hinkwako.+

 5 Va langute eka yena, kutani va vangama,+

Ni swikandza swa vona a swi nga ta khomiwa hi tingana.+

 6 Loyi a xanisekaka u vitanile, Yehovha a n’wi twa.+

Kutani U n’wi ponisile emaxangwini yakwe hinkwawo.+

 7 Ntsumi ya Yehovha yi aka nxaxa ku rhendzela hinkwavo lava n’wi chavaka,+

Naswona ya va ponisa.+

 8 N’wina nantswani mi vona leswaku Yehovha hi lonene;+

Wa tsaka munhu la tiyeke emirini la tumbelaka eka yena.+

 9 Chavani Yehovha, n’wina vakwetsimi vakwe,+

Hikuva lava n’wi chavaka a va pfumali nchumu.+

10 Swinghalana leswi nga ni ntshiva a swi ri ni swakudya switsongo naswona swi khomiwe hi ndlala;+

Kambe loko ku ri lava lavaka Yehovha, a va nge pfumali nchumu lexinene.+

11 N’wina vana tanani, ndzi yingiseni;+

Ndzi ta mi dyondzisa ku chava Yehovha.+

12 I mani munhu la tsakeke evuton’wini,+

La rhandzaka masiku lama ringaneke leswaku a vona leswinene?+

13 Hlayisani ririmi ra n’wina eka leswo biha,+

Ni milomu ya n’wina eku vulavuleni ka vuxisi.+

14 Fularhelani swo biha, kutani mi endla leswi nga swinene;+

Lwelani ku kuma ku rhula, mi ku landzelela.+

15 Mahlo ya Yehovha ma le henhla ka lavo lulama,+

Ni tindleve takwe ti yingisa xirilo xa vona xo kombela mpfuno.+

16 Xikandza xa Yehovha xi nyenya lava endlaka swo biha,+

Xi ta endla leswaku ku nga ha vulavuriwi ha vona emisaveni.+

17 Va huwelerile, Yehovha a swi twa,+

Kutani a va kutsula emaxangwini ya vona hinkwawo.+

18 Yehovha u le kusuhi ni lava va tshovekeke mbilu;+

Ni lava va pfotlokeke emoyeni wa va ponisa.+

19 Makhombo ya lowo lulama ma tele,+

Kambe Yehovha wa n’wi kutsula eka wona hinkwawo.+

20 U rindza marhambu hinkwawo ya munhu yoloye;

Ni rin’we ra wona a ri tshovekanga.+

21 Khombo ri ta dlaya lowo homboloka;+

Lava vengaka lowo lulama va ta voniwa nandzu.+

22 Yehovha u kutsula moyaxiviri wa malandza yakwe;+

Naswona a nga kona la tumbelaka eka yena la nga ta voniwa nandzu.+