Swivuriso

3 N’wananga, u nga wu rivali+ nawu wa mina, naswona onge mbilu ya wena yi nga hlayisa+ swileriso swa mina, 2 hikuva u ta engeteriwa masiku yo leha,+ malembe ya vutomi+ ni ku rhula. 3 Musa wa rirhandzu ni ntiyiso swi nga ku sukeli.+ Swi tsimbelele enhan’wini ya wena.+ Swi tsale ehenhla ka xiphepherhele xa mbilu ya wena,+ 4 kutani u kuma tintswalo ni ku twisisa lokunene ematihlweni ya Xikwembu ni le ka munhu wa la misaveni.+ 5 Tshemba Yehovha hi mbilu+ ya wena hinkwayo naswona u nga titshegi hi ku twisisa ka wena n’wini.+ 6 N’wi tivise tindlela ta wena hinkwato,+ kutani yena u ta lulamisa tindlela ta wena.+

7 U nga vi la tlhariheke ematihlweni ya wena.+ Chava Yehovha u fularhela swo biha.+ 8 Onge ku nga va murhi+ enkaveni wa wena ni ku phyuphya emarhambyini ya wena.+

9 Xixima Yehovha hi swilo swa wena swa nkoka+ ni swirhangana hinkwaswo swa ntshovelo wa wena hinkwawo.+ 10 Kutani vuhlayiselo bya nhundzu ya wena byi ta va ni nhundzu yo tala;+ naswona makhuwana ya wena ya le xikamelweni ma ta khapakhapa+ hi vhinyo leyintshwa.

11 Oho n’wananga, u nga yi bakanyi+ ndzayo ya Yehovha; u nga ku nyenyi ku tshinya kakwe,+ 12 hikuva loyi Yehovha a n’wi rhandzaka wa n’wi tshinya,+ hilaha tatana a endlaka hakona eka n’wana wakwe la n’wi tsakisaka.+

13 Wa tsaka munhu la kumeke vutlhari,+ ni munhu la kumaka ku twisisa,+ 14 hikuva ku byi pindzula swa antswa ku ri ni ku pindzula silivhere ni ku byi kuma swi tlula ku kuma nsuku.+ 15 I byinene ku tlula tikorala,+ naswona hinkwaswo leswi tsakisaka swa wena a swi nge ringani na byona. 16 Ku leha ka masiku ku le vokweni ra byona ra xinene;+ naswona evokweni ra byona ra ximatsi ku ni rifuwo ni ku vangama.+ 17 Tindlela ta byona i tindlela ta ku tsakisa, naswona tindlela ta byona hinkwato i ku rhula.+ 18 I murhi wa vutomi+ eka lava va khomelelaka eka byona, naswona va ta vuriwa lava tsakeke+ lava va khomelelaka swi tiya eka byona.+

19 Yehovha u simeke misava+ hi vutlhari. U simeke matilo ma tiya hi ku twisisa.+ 20 Hi vutivi byakwe swidziva swa mati swi hambanisiwe hi le xikarhi,+ ni tilo leri nga ni mapapa ri tshamela ku nisa swimpfulana.+ 21 N’wananga, swi nga tshuki swi suka ematihlweni ya wena.+ Hlayisa vutlhari lebyi pfunaka ni vuswikoti byo ehleketa,+ 22 swi ta va vutomi eka moya-xiviri+ wa wena ni vuxongi enhan’wini+ ya wena. 23 Hikwalaho u ta famba u sirhelelekile+ endleleni ya wena, ni nenge wa wena a wu nge khugunyi nchumu.+ 24 Nkarhi wun’wana ni wun’wana loko u etlela a wu nge chavi;+ kunene u ta etlela, naswona vurhongo bya wena byi ta nandziha.+ 25 A wu nge wu chavi nchumu lowu chavisaka wa xitshuketa,+ hambi ku ri xidzedze ehenhla ka lavo homboloka, hikuva xa ta.+ 26 Hikuva Yehovha, entiyisweni u ta va ntshembo wa wena,+ naswona u ta hlayisa nenge wa wena leswaku wu nga phasiwi.+

27 U nga tshuki u ala ku va endlela leswinene lava swi va lulameleke,+ loko swi ri ematimbeni ya voko ra wena ku swi endla.+ 28 U nga tshuki u vula eka munhu-kuloni u ku: “Famba, u vuya mundzuku ndzi ta ku nyika,” loko u ri ni xo karhi.+ 29 U nga tshuki u kunguhatela munhu-kuloni swo biha,+ loko a titwa a sirhelelekile loko a tshame na wena.+ 30 U nga holovi na munhu ku nga ri na xivangelo,+ loko a nga ku endlanga swo biha.+

31 U nga n’wi naveli munhu wa madzolonga,+ hambi ku ri ku hlawula yin’wana ya tindlela takwe.+ 32 Hikuva munhu la kanganyisaka+ i nchumu lowu nyenyetsaka eka Yehovha,+ kambe Yena u rhandza lavo lulama.+ 33 Ndzhukano wa Yehovha wu le ndlwini ya lowo homboloka,+ kambe u katekisa+ vutshamo bya lavo lulama. 34 Loko swi khumbana ni vahlekuri,+ yena u ta va hlekula;+ kambe lavo rhula u ta va komba tintswalo.+ 35 Lavo tlhariha va ta xiximiwa,+ kambe lavo hunguka va engetela tingana.+