Tipisalema

15 Oho Yehovha, i mani la nga ta va muendzi entsongeni+ wa wena?

I mani la nga ta tshama entshaveni+ ya wena yo kwetsima?

 2 Hi loyi a fambaka a nga ri na xihoxo+ naswona a hanyaka hi ku lulama+

La vulavulaka ntiyiso embilwini+ ya yena.

 3 A nga hlevanga hi ririmi+ rakwe.

Nakulobye wakwe a nga n’wi endlanga nchumu xo biha,+

Naswona ku hava ndzhukano lowu a wu vangeleke munghana wakwe lonkulu.+

 4 Kunene wa n’wi bakanya ematihlweni yakwe un’wana ni un’wana la solekaka,+

Kambe lava chavaka Yehovha wa va xixima.+

Loko a hlambanyile, hambi o weriwa hi leswo biha, a nga hundzuki.+

 5 Mali yakwe a nga yi humesanga hi ntswalo,+

Naswona a nga xi amukelanga+ xifumbarheriso leswaku ku hluriwa la pfumalaka nandzu.

La endlaka swilo leswi a nge pfuki a tsekatsekisiwile.+