Tipisalema

50 Loyi a nga ni Vukwembu,+ Xikwembu, Yehovha,+ u vulavurile,+

U vitane misava,+

Ku sukela eku humeni ka dyambu ku fikela eku peleni ka rona.+

 3 Xikwembu xa hina xi ta ta, a xi nge miyeli.+

Emahlweni ka xona ku ni ndzilo lowu lovisaka,+

Naswona xi rhendzeriwe hi xidzedze lexikulu ngopfu.+

 4 Xi vitana ematilweni ehenhla ni le misaveni+

Leswaku xi avanyisa vanhu va xona:+

 5 “Ndzi hlengeletele vanhu va mina lavo tshembeka,+

Lava endlaka ntwanano wa mina hi xitlhavelo.”+

 6 Matilo ma vula ku lulama ka xona,+

Hikuva Xikwembu i Muavanyisi.+ Seʹlah.

 7 “Oho vanhu vanga, yingisani, ndzi ta vulavula,+

Oho Israyele, ndzi ta nyikela vumbhoni lebyi kanetanaka na wena.+

Ndzi Xikwembu, Xikwembu+ xa wena.

 8 A ndzi ku tshinyi hikwalaho ka switlhavelo swa wena,+

Hambi ku ri hikwalaho ka magandzelo ya wena yo hisiwa lama heleleke lama nga emahlweni ka mina nkarhi hinkwawo.+

 9 Ndzi nga ka ndzi nga teki nkunzi endlwini ya wena,+

Swiphongo etshangeni ra wena.

10 Hikuva xiharhi xin’wana ni xin’wana xa le khwatini i xa mina,+

Swiharhi leswi nga ehenhla ka tintshava ta 1 000.+

11 Ndzi xi tiva kahle xivumbiwa xin’wana ni xin’wana lexi nga ni timpiko xa le tintshaveni,+

Ni mintlhambi ya swiharhi swa nhova i ya mina.+

12 Loko a ndzi ri ni ndlala, a ndzi nga ta ku byela;

Hikuva tiko leri noneke+ ni leswi teleke eka rona i swa mina.+

13 Xana ndzi nga dya nyama ya tinkunzi ta matimba,+

Ni ku nwa ngati ya swiphongo?+

14 Nyikela ku nkhensa ku va switlhavelo swa wena eka Xikwembu,+

Naswona u hetisisa switshembiso swa wena leswi hlambanyiweke+ eka La nge Henhla-henhla;

15 Ndzi vitane hi siku ra maxangu.+

Ndzi ta ku ponisa, kutani u ta ndzi vangamisa.”+

16 Kambe Xikwembu xi ta byela la hombolokeke xi ku:+

“Xana u ni lunghelo ra ku hlayela swileriso swa mina,+

Leswaku u byarha ntwanano wa mina enon’wini wa wena?+

17 Waswivo, wena—u venge ndzayo,+

Naswona u hambeta u lahlela marito ya mina endzhaku ka wena.+

18 Nkarhi wun’wana ni wun’wana loko u vona khamba, a wu tsaka na rona;+

Naswona a wu hlanganyela ni vaoswi.+

19 Nomu wa wena u wu ntshunxele swo biha,+

Ni ririmi ra wena u ri namarhelise evuxisini.+

20 Wa tshama kutani u vulavula ku biha hi makwenu,+

U paluxa xihoxo xa n’wana wa mana wa wena.+

21 U endle swilo leswi, ndzi miyerile.+

A wu anakanya leswaku kunene ndzi ta fana na wena.+

Ndzi ta ku tshinya,+ naswona ndzi ta lulamisa swilo emahlweni ka mahlo ya wena.+

22 Ndzi kombela mi twisisa swilo leswi, n’wina lava rivalaka Xikwembu,+

Leswaku ndzi nga mi handzuleli mi va swiphemu-phemu ku nga ri na mulamuleri.+

23 Loyi a nyikelaka ku nkhensa ku va xitlhavelo xakwe hi yena la ndzi vangamisaka;+

Kasi loko ku ri la hlayisaka ndlela leyi vekiweke,

Ndzi ta endla leswaku a ponisiwa hi Xikwembu.”+