Tipisalema

138 Ndzi ta ku dzunisa hi mbilu ya mina hinkwayo.+

Ndzi ta ku yimbelelela miloti emahlweni ka swikwembu swin’wana.+

 2 Ndzi ta nkhinsama emahlweni ka tempele+ ya wena yo kwetsima,

Ndzi ta dzunisa vito ra wena,+

Hikwalaho ka musa wa wena wa rirhandzu+ ni hikwalaho ka ntiyiso wa wena.+

Hikuva u twarise rito ra wena+ ehenhla ka vito ra wena hinkwaro.+

 3 Esikwini leri ndzi vitaneke ha rona, u ndzi hlamurile;+

U ndzi endle ndzi va ni vurhena hi ntamu eka moya-xiviri wa mina.+

 4 Tihosi hinkwato ta misava ti ta ku dzunisa, Wena Yehovha,+

Hikuva ti ta va ti twe marito ya nomu wa wena.

 5 Naswona ti ta yimbelela malunghana ni tindlela ta Yehovha,+

Hikuva ku vangama ka Yehovha i kukulu.+

 6 Hikuva Yehovha u tlakukile, hambiswiritano wa n’wi vona la titsongahata;+

Kambe la titlakusaka u n’wi tivela ekule.+

 7 Loko ndzo famba exikarhi ka maxangu, u ta ndzi londzovota ndzi hanya.+

U ta tshambuluta voko ra wena hikwalaho ka ku hlundzuka ka valala va mina,+

Naswona voko ra wena ra xinene ri ta ndzi ponisa.+

 8 Yehovha u ta hetisisa leswi nga swa mina.+

Oho Yehovha, musa wa wena wa rirhandzu i wa hilaha ku nga riki na makumu.+

U nga yi tshiki mintirho ya mavoko ya wena.+