Genesa

36 Lawa i matimu ya Esawu, leswi vulaka, Edomu.+

2 Esawu u teke vasati vakwe eka vana va Kanana:+ I Ada+ n’wana wa Elone lowa Muheti+ na Oholibama+ n’wana wa Anna, ntukulu wa Zibiyoni wa Muhivhi, 3 na Basemata,+ n’wana wa Iximayele, makwavo waxisati wa Nebayoto.+

Lava i vana va Esawu lava a nga velekeriwa vona etikweni ra Kanana. 6 Endzhaku ka sweswo Esawu a teka vasati vakwe ni vana vakwe va majaha ni va vanhwanyana ni mimoya-xiviri hinkwayo ya yindlu ya yena ni ntlhambi wakwe ni swiharhi hinkwaswo ni rifuwo+ hinkwaro, leri a ri hlengeleteke etikweni ra Kanana, a ya etikweni leri nga ekule na Yakobe makwavo,+ 7 hikuva nhundzu ya vona a yi tele ngopfu lerova a va nga ta tshama swin’we, ni tiko leri va luveleke eka rona a ri nga ha swi koti ku va nyika swilo swo tihanyisa hikwalaho ka mintlhambi+ ya vona. 8 Kutani Esawu a ya tshama endhawini ya tintshava ya Seyiri.+ Esawu i Edomu.+

9 Lawa hi wona matimu ya Esawu tata wa Edomu endhawini ya tintshava ya Seyiri.+

10 Lawa i mavito ya vana va Esawu: Elifazi n’wana wa Ada, nsati wa Esawu; Rhuwele n’wana wa Basemata, nsati+ wa Esawu.

11 Vana va Elifazi ku va Temani,+ Omara, Sefo, Gatamu na Kenazi.+ 12 Timina+ a va nsati lontsongo wa Elifazi, n’wana wa Esawu. Hi ku famba ka nkarhi a tswalela Elifazi, Amaleke.+ Lava hi vona vana va Ada nsati wa Esawu.

13 Lava i vana va Rhuwele: I Nahati na Zara, Xamaha na Miza.+ Lava a va ri vana va Basemata,+ nsati wa Esawu.

14 Lava a va ri vana va Oholibama n’wana waxisati wa Anna, ntukulu waxisati wa Zibiyoni, nsati wa Esawu, hikuva u tswalele Esawu Yewuxi na Yalamu na Kora.+

15 Leti i tindhuna+ ta vana va Esawu: N’wana wa Elifazi, mativula ya Esawu: I ndhuna Temani,+ ndhuna Omara, ndhuna Sefo, ndhuna Kenazi, 16 ndhuna Kora, ndhuna Gatamu na ndhuna Amaleke. Leti hi tona tindhuna ta Elifazi+ etikweni ra Edomu. Lava i vana va Ada.

17 Lava i vana va Rhuwele, n’wana wa Esawu: I ndhuna Nahati, ndhuna Zara, ndhuna Xamaha, ndhuna Miza. Leti i tindhuna ta Rhuwele etikweni ra Edomu.+ Lava i vana va Basemata, nsati wa Esawu.

18 Eku heteleleni lava i vana va Oholibama, nsati wa Esawu: I ndhuna Yewuxi, ndhuna Yalamu, ndhuna Kora. Leti hi tona tindhuna ta Oholibama n’wana wa Anna, nsati wa Esawu.

19 Lava i vana va Esawu, hi tona tindhuna ta vona. Yena i Edomu.+

20 Lava i vana va Seyiri lowa Muhori, i vaaki va tiko:+ I Lotana na Xobali na Zibiyoni na Anna+ 21 na Dixoni na Ezere na Dixani.+ Leti i tindhuna ta Muhori, vana va Seyiri, etikweni ra Edomu.

22 Vana va Lotana a ku ri Hori na Hemami; makwavo waxisati wa Lotana a ku ri Timina.+

23 Lava i vana va Xobali: I Alivhani na Manahate na Ebali, na Xefo na Onamu.

24 Lava i vana va Zibiyoni: I Aya na Anna. Loyi i Anna la nga kuma xihlovo xa mati yo hisa emananga loko a ri eku languteleni ka timbhongolo ta Zibiyoni tata+ wakwe.

25 Lava i vana va Anna: I Dixoni na Oholibama n’wana wa Anna wa nhwanyana.

26 Lava i vana va Dixoni: I Hemidani na Exibani na Itirani na Kerani.+

27 Lava i vana va Ezere: I Bilihani na Zavhana na Akane.

28 Lava i vana va Dixani: I Uzha na Arani.+

29 Leti i tindhuna ta Muhori: I ndhuna Lotana, ndhuna Xobali, ndhuna Zibiyoni, ndhuna Anna, 30 ndhuna Dixoni, ndhuna Ezere na ndhuna Dixani.+ Leti i tindhuna ta Muhori hi ku ya hi tindhuna ta tiko ra Seyiri.

31 Kutani leti i tihosi leti fumeke tiko ra Edomu+ ku nga si va ni hosi leyi nga fuma vana va Israyele.+ 32 Bela n’wana wa Beyori a fuma aEdomu,+ kutani vito ra muti wakwe a ku ri Dinahaba. 33 Loko Bela a fa, Yobabu n’wana wa Zara wa le Bosira+ a fuma ematshan’weni ya yena.+ 34 Loko Yobabu a fa, Huxamu wa le tikweni ra Vatemani+ a sungula ku fuma ematshan’weni ya yena.+ 35 Loko Huxamu a fa, Hadada n’wana wa Bedadi la hluleke Vamidiyani+ etikweni ra Mowabu+ a sungula ku fuma ematshan’weni ya yena, vito ra muti wakwe a ku ri Avhita.+ 36 Loko Hadada a fa, Samila wa le Masireka a sungula ku fuma ematshan’weni ya yena.+ 37 Loko Samila a fa, Xawulo wa le Rehoboti lowu nga ekusuhi ni Nambu a sungula ku fuma ematshan’weni ya yena.+ 38 Loko Xawulo a fa, Bali-hanani n’wana wa Akibora a sungula ku fuma ematshan’weni ya yena.+ 39 Loko Bali-hanani n’wana wa Akibora a fa, Hadari a sungula ku fuma ematshan’weni ya yena; vito ra muti wakwe a ku ri Pawu, naswona vito ra nsati wakwe a ku ri Mehetabele n’wana wa Matirede, n’wana wa Mezahaba.+

40 Kutani lawa i mavito ya tindhuna ta Esawu hi ku ya hi mindyangu ya tona, ni hi ku ya hi tindhawu ta tona, hi mavito ya tona: I ndhuna Timina, ndhuna Alivha, ndhuna Yeteti,+ 41 ndhuna Oholibama, ndhuna Elaha, ndhuna Pinoni,+ 42 ndhuna Kenazi, ndhuna Temani, ndhuna Mibisara,+ 43 ndhuna Magadiyele na ndhuna Iramu. Leti i tindhuna ta Edomu+ hi ku ya hi matshamelo ya tona etikweni ra vona.+ Loyi i Esawu tata wa Edomu.+