16 naswona tivoneleni leswaku ku nga vi na loyi a tikhomaka ku biha hi swa masangu* exikarhi ka n’wina kumbe munhu loyi a nga xiximiki swilo swo kwetsima, ku fana na Esawu loyi a xaviseke mfanelo ya ku va mativula leswaku a kuma swakudya.+ 17 Hikuva ma swi tiva leswaku endzhaku, loko a lava ku katekisiwa a nga kumanga nchumu; hikuva hambileswi a ringeteke hi mbilu hinkwayo ku n’wi cinca mianakanyo* hi ku rila,+ a swi pfunanga nchumu.