26 U ta endla swingwavila swimbirhi swa nsuku u swi veka emakumu mambirhi ya le hansi lama langutaneke ni efodi endzeni ka xinkwamana xa le xifuveni.+ 27 U fanele u endla swingwavila swin’wana swimbirhi swa nsuku hi le mahlweni ka efodi, ehansi ka swiphemu swimbirhi swa makatla ekusuhi ni laha yi hlanganisiweke kona, ehenhla ka bandhi ra efodi.+ 28 Xinkwamana xa le xifuveni xi fanele xi bohiwa hi ntambhu ya wasi, ku bohiwa swingwavila swa xona eka swingwavila swa efodi. Leswi swi ta endla leswaku xinkwamana xa le xifuveni xi tshama xi ri eka efodi ehenhla ka bandhi.