12 U fanele u vekela vanhu mindzilakana ematlhelo hinkwawo ya yona naswona u va byela u ku, ‘Tivoneleni leswaku mi nga khandziyi ntshava kumbe ku khumba makumu ya yona. Un’wana ni un’wana loyi a nga ta khumba ntshava u ta dlayiwa. 13 A ku na voko leri nga ta n’wi khumba, kambe u ta khandliwa hi maribye kumbe a copiwa.* Hambi i xiharhi kumbe i munhu, a nge hanyi.’+ Kambe loko ku twakala nanga ya khuna+ va nga ta entshaveni.”