20 Kutani Nowa a akela Yehovha altari,+ a teka swin’wana swa swiharhi leswi baseke ni swin’wana swa swivumbiwa leswi hahaka leswi baseke,+ a endla magandzelo yo hisiwa ealtarini.+ 21 Hiloko Yehovha a twa nun’hwelo lowunene,* kutani Yehovha a vula embilwini yakwe a ku: “A ndzi nge he tlheli ndzi rhukana misava+ hikwalaho ka munhu, hikuva munhu u tshamela ku ehleketa swilo swo biha ku sukela evuntshweni byakwe;+ naswona a ndzi nge he tlheli ndzi lovisa swilo leswi hanyaka hilaha ndzi endleke hakona.+

2 “Byela Vaisrayele u ku, ‘Loko mi hetelela mi fika etikweni leri ndzi mi nyikaka rona leswaku mi ta tshama eka rona,+ 3 kutani mi endlela Yehovha gandzelo ra ndzilo hi homu kumbe hi nyimpfu—hambi i gandzelo ro hisiwa+ kumbe i gandzelo ra xihlambanyo xo hlawuleka kumbe i gandzelo ra ku tirhandzela+ kumbe i gandzelo leri mi ri endlaka hi mikarhi ya mikhuvo ya n’wina+ leswaku mi endlela Yehovha nun’hwelo lowu tsakisaka+—