15 Muxe a hlamula tata wa nsati wakwe a ku: “Hikuva vanhu va tshamela ku ta eka mina va ta vutisa hi Xikwembu. 16 Loko ku va ni mhaka, yi ta eka mina kutani ndzi fanele ndzi avanyisa exikarhi ka vanhu vambirhi, ndzi va tivisa swiboho swa Xikwembu xa ntiyiso ni milawu ya xona.”+

11 Yehovha a a vulavula na Muxe hi ku kongoma,+ ku fana niloko munhu a vulavula ni munhukulobye. Loko a tlhelela enxaxeni, Yoxuwa+ n’wana wa Nuni loyi a a ri nandza wakwe+ a a nga humi etendeni.

11 N’wana loyi, loyi mana wakwe a a ri Muisrayele u sungule ku sandza Vito ra Xikwembu* ni ku ri rhukana.+ Hiloko va n’wi tisa eka Muxe.+ Vito ra mana wakwe a ku ri Xelomiti, n’wana wa Dibri wa nyimba ya Dani. 12 Va n’wi pfalerile kukondza xiboho xa Yehovha xi hlamuseriwa kahle eka vona.+