19 Munhu loyi a baseke u ta xuva loyi a nyameke hi siku ra vunharhu ni hi siku ra vunkombo, u ta n’wi basisa eka xidyoho xakwe hi siku ra vunkombo;+ endzhaku ka sweswo u fanele a hlantswa swiambalo swakwe a tlhela a hlamba hi mati kutani u ta va loyi a baseke nimadyambu.

20 “‘Kambe munhu loyi a nyameke a tlhela a nga tibasisi, u fanele a dlayiwa,+ hikuva u nyamise ndhawu ya Yehovha yo kwetsima. U ta nyama hikwalaho ka leswi a nga xuviwangiki hi mati yo n’wi basisa.