16 Yehovha u lerise a ku, ‘Un’wana ni un’wana u ta rholela hi ku ya hi leswi a dyaka swona. Mi ta hlengeletela un’wana ni un’wana mpimo wa omere*+ hi ku ya hi nhlayo ya vanhu lava ha un’we wa n’wina a tshamaka na vona etendeni rakwe.’”

23 A ku eka tona: “Hi leswi Yehovha a swi vuleke. Mundzuku ku ta wisiwa,* i savata yo kwetsima eka Yehovha.+ Bakani leswi mi faneleke mi swi baka, mi virisa leswi mi faneleke mi swi virisa;+ kutani leswi saleke mi swi hlayisa ku fikela nimixo.”