17 Kutani Yoxuwa a byela va ka Efrayimi na Manase, lava nga va nyimba ya Yosefa a ku: “Mi tele swinene naswona mi ni matimba swinene. A mi nge averiwi ndhawu leyitsongo,*+ 18 kambe ni ndhawu ya tintshava yi ta va ya n’wina.+ Hambileswi ndhawu yoleyo yi nga khwati, mi ta yi tshetsha kutani yi ta va ndzilakana wa tiko ra n’wina. Hikuva mi ta hlongola Vakanana, hambileswi va nga ni matimba naswona va nga ni makalichi ya nyimpi lama nga ni swo tsema swa nsimbhi.”*+