• Genesa 48:19, 20
    Bibele—Matsalwa Yo Kwetsima Ya Misava Leyintshwa

    • 19 Kambe tata wakwe a hambeta a ala a ku: “Ndza swi tiva n’wananga, ndza swi tiva. Na yena u ta va ni vana vo tala. Nilokoswiritano, makwavo wakwe lontsongo u ta va lonkulu ku n’wi tlula,+ naswona vana* vakwe va ta tala swinene va va matiko.”+ 20 Kutani a ya emahlweni a va katekisa hi siku rero a ku:+

      “Vaisrayele a va tirhise mavito ya n’wina loko va katekisana va ku,

      ‘Onge Xikwembu xi nga mi katekisa hilaha xi katekiseke Efrayimi na Manase hakona.’”

      Xisweswo a tshamela ku rhangisa Efrayimi ematshan’weni ya Manase.