22 “‘Kambe loko o n’wi susumeta ku nga ri hi vomu kambe a nga n’wi vengi kumbe a n’wi hoxa hi nchumu wo karhi, ku nga ri hi xikongomelo xo n’wi vavisa,+ 23 kumbe a wisa ribye a nga n’wi voni kutani ri n’wi wela naswona a a nga ri nala wakwe kumbe a a nga tiyimiselanga ku n’wi vavisa kutani a fa, 24 vaavanyisi va fanele va avanyisa exikarhi ka loyi a n’wi beke ni murihiseri wa ngati, hi ku landza swileriso leswi.+