10 “Loko Yehovha Xikwembu xa wena a ku yisa etikweni leri a ri tshembiseke vakokwa wa wena ku nga Abrahama, Isaka na Yakobo leswaku u ta ku nyika rona,+ miti leyikulu yo saseka leyi u nga yi akangiki,+ 11 tiyindlu leti taleke hi swilo leswinene leswi u nga swi tirhelangiki, swihlovo leswi u nga swi celangiki ni masimu ya madiriva ni mirhi ya mitlhwari leyi u nga yi byalangiki, ivi u dya u xurha,+ 12 u tivonela leswaku u nga rivali Yehovha,+ loyi a ku humeseke etikweni ra Egipta, endlwini ya vuhlonga.