14 Hiloko Yehovha a byela Muxe a ku: “Tsala leswi ebukwini swi va xitsundzuxo u tlhela u swi byela Yoxuwa u ku, ‘Ndzi ta endla leswaku Amaleke a nga ha tsundzukiwi ehansi ka matilo.’”+

47 Sawulo a tiyisa vuhosi byakwe eIsrayele, a lwa ni valala vakwe lava a akelaneke na vona, ku nga Vamowabu,+ Vaamoni,+ Vaedomu,+ tihosi ta Soba+ ni Vafilista;+ hinkwako laha a a lwa kona a a va hlula. 48 Kutani a lwa hi vurhena a hlula Vaamaleke,+ a ponisa Israyele evokweni ra vaphangi va vona.

15 Kutani Samuwele a byela Sawulo a ku: “Yehovha u ndzi rhume leswaku ndzi ta ku hlawula u va hosi ya vanhu vakwe, ku nga Vaisrayele;+ sweswi yingisa leswi Yehovha a swi vulaka.+ 2 Yehovha wa mavuthu u ri: ‘Ndzi ta tirihisela eka Vaamaleke hikwalaho ka leswi va swi endleke eka Vaisrayele loko va ri endleleni va suka eEgipta.+ 3 Sweswi famba u ya dlaya Vaamaleke,+ u va lovisa+ ni hinkwaswo leswi va nga na swona. U nga tshuki u va tsetselela; u fanele u va dlaya,+ wanuna ni wansati, n’wana ni ricece, nkuzi ni nyimpfu, kamela ni mbhongolo.’”+

42 Vavanuna van’wana va 500 va nyimba ya Simiyoni va ye eNtshaveni ya Seyiri,+ va rhangeriwe hi vana va Ixi, ku nga Pelatiya, Neyariya, Refaya na Uziyele. 43 Hiloko va dlaya Vaamaleke+ hinkwavo lava balekeke naswona va ha tshama kwalaho ku ta fikela namuntlha.