29 Kutani Muxe a byela Hobabu n’wana wa Rhuwele*+ wa le Midiyani, tata wa nsati wa Muxe a ku: “Hi ya endhawini leyi Yehovha a hi byeleke a ku, ‘Ndzi ta mi nyika yona.’+ Famba na hina,+ hi ta ku khoma kahle hikuva Yehovha u tshembise Vaisrayele swilo leswinene.”+ 30 Kambe yena a ku: “A ndzi nge fambi na n’wina. Ndzi ta tlhelela etikweni ra ka hina ni le maxakeni ya mina.” 31 Hiloko Muxe a ku: “Ndza ku kombela, u nga hi siyi hikuva u ku tiva kahle laha hi faneleke hi dzima kona mixaxa emananga, u nga hi komba ndlela. 32 Naswona loko wo famba na hina,+ hinkwaswo leswinene leswi Yehovha a nga ta hi endlela swona, hi ta avelana na wena.”