23 Kambe Sihoni a nga pfumelanga leswaku Vaisrayele va tsemakanya etikweni rakwe. Ematshan’weni ya sweswo, Sihoni u hlengelete vanhu vakwe hinkwavo leswaku va ya hlasela Vaisrayele emananga kutani a fika eYahasa a sungula ku lwa ni Vaisrayele.+ 24 Kambe Vaisrayele va n’wi hlula hi banga+ kutani va teka tiko rakwe,+ ku sukela eArinoni+ ku ya fika eYaboko,+ ekusuhi ni Vaamoni hikuva muti wa Yazere+ wu le kusuhi ni tiko ra Vaamoni.+

25 Kutani Vaisrayele va teka miti leyi hinkwayo, va sungula ku tshama emitini hinkwayo ya Vaamori,+ eHexiboni ni le swimitanini hinkwaswo leswi nga ekusuhi.