• 1 Samuwele 18:6-8
    Bibele—Matsalwa Yo Kwetsima Ya Misava Leyintshwa

    • 6 Loko Davhida ni lavan’wana va vuya hi le ku dlayeni ka Vafilista, vavasati a va huma emitini hinkwayo eIsrayele va ri karhi va yimbelela,+ va cina va hlanganisa Hosi Sawulo, va ri karhi va chaya swingomana+ ni swipendana va tsakile. 7 Vavasati lava a va ri eku chanchuleni, a va yimbelela va ku:

      “Sawulo u dlaye magidi yakwe,

      Kambe Davhida u dlaye makume yakwe ya magidi.”+

      8 Sawulo a hlundzuka swinene,+ naswona risimu leri a ri nga n’wi tsakisi, hikuva u te: “Va nyike Davhida makume ya magidi kambe mina va ndzi nyike magidi ntsena. Ku lo sala leswaku va n’wi nyika ni vuhosi!”+

  • 1 Samuwele 29:4, 5
    Bibele—Matsalwa Yo Kwetsima Ya Misava Leyintshwa

    • 4 Kambe tihosana ta Vafilista ti n’wi hlundzukela ti ku: “Tlherisa munhu loyi.+ A a tlhelele endhawini leyi u n’wi nyikeke yona. U nga n’wi pfumeleli a famba na hina enyimpini leswaku a nga hi jikeli enyimpini.+ Hikuva a nga tshuka a lava ku tsakisa hosi yakwe hi tinhloko ta masocha ya hina. 5 Xana loyi a hi yena Davhida loyi a va n’wi yimbelelela va ri karhi va cina va ku:

      ‘Sawulo u dlaye magidi yakwe,

      Kambe Davhida u dlaye makume yakwe ya magidi’?”+