-
2 Samuwele 12:15Bibele—Matsalwa Yo Kwetsima Ya Misava Leyintshwa
-
-
15 Hiloko Nathani a muka.
Kutani Yehovha a hlasela n’wana loyi nsati wa Uriya a n’wi tswaleleke Davhida, a sungula ku vabya.
-
-
2 Samuwele 12:19Bibele—Matsalwa Yo Kwetsima Ya Misava Leyintshwa
-
-
19 Loko Davhida a vona malandza yakwe ma ri karhi ma hlevahleva, u swi xiyile leswaku n’wana u file. Davhida a vutisa malandza yakwe a ku: “Xana n’wana u file?” Ma ku: “U file.”
-
-
2 Samuwele 13:10-15Bibele—Matsalwa Yo Kwetsima Ya Misava Leyintshwa
-
-
10 Aminoni a ku eka Tamari: “Tisa swakudya ekamareni ndzi ta swi dya swi huma evokweni ra wena.” Kutani Tamari a teka makhekhe yo fana ni mbilu lawa a nga ma baka, a ma yisa laha makwavo Aminoni a a etlele kona. 11 Loko a tshinela leswaku a ta n’wi nyika swakudya, Aminoni a ku n’wi bvu, a ku: “Etlela na mina makwerhu.” 12 Kambe Tamari a ku: “E-e, makwerhu! U nga ndzi endli nsele, swoleswo a swi endliwi eIsrayele.+ U nga endli manyala yo tano.+ 13 Ndzi ta hanyisa ku yini ni tingana leti? Naswona wena u ta tekiwa u ri xiphukuphuku eIsrayele. Ndzi kombela u vulavula ni hosi, a yi nge ali leswaku u ndzi teka.” 14 Kambe a nga n’wi yingisanga, hiloko a n’wi hlula hi matimba, a n’wi endla nsele hi ku n’wi pfinya. 15 Kutani Aminoni a sungula ku n’wi venga swinene, a n’wi venga ku tlula ndlela leyi a a n’wi rhandza ha yona. Aminoni a ku eka yena: “Pfuka u famba!”
-