5 Kambe mi fanele mi ya endhawini leyi Yehovha Xikwembu xa n’wina a nga ta yi hlawula leswaku vito rakwe ri dzunisiwa eka yona, eka tinyimba hinkwato ta n’wina naswona mi fanele mi n’wi gandzela kwalaho.+ 6 Kwalaho hi laha mi faneleke mi tisa magandzelo ya n’wina yo hisiwa,+ vukhume,+ minyikelo,+ magandzelo lawa mi tshembiseke ku ma endla, magandzelo ya ku tirhandzela+ ni mativula ya swifuwo swa n’wina.+

28 Hikwalaho yingisa xikhongelo xa nandza wa wena ni leswi a swi kombelaka, Yehovha Xikwembu xanga u tlhela u yingisa xirilo xa nandza wa wena ni xikhongelo lexi a xi endlaka emahlweni ka wena namuntlha. 29 Onge matihlo ya wena ma nga languta yindlu leyi vusiku ni nhlikanhi, ndhawu leyi u vuleke u ku, ‘Vito ra mina ri ta tshama kona,’+ leswaku u yingisa xikhongelo lexi nandza wa wena a xi endlaka endhawini leyi.+