12 ndzi ta ku endlela leswi u swi kombeleke.+ Ndzi ta ku nyika mbilu yo tlhariha ni leyi twisisaka,+ lerova leswi ku nga si tshamaka ku va ni munhu loyi a fanaka na wena, a ku nge he pfuki ku ve ni munhu loyi a fanaka na wena.+ 13 Ku tlula kwalaho, ndzi ta tlhela ndzi ku nyika leswi u nga swi kombelangiki+ ku nga rifuwo ni ku xiximeka,+ lerova a ku nge vi na hosi leyi nga ta fana na wena vutomi bya wena hinkwabyo.+

29 Xikwembu xi nyika Solomoni vutlhari ni ku twisisa lokukulu ni mbilu leyi taleke ku twisisa, ku fana ni sava leri nga eribuweni ra lwandle.+

22 Hikwalaho Hosi Solomoni a a tlula tihosi hinkwato ta misava hi rifuwo ni vutlhari.+ 23 Naswona tihosi hinkwato ta misava a ti endzela Solomoni leswaku ti ta twa vutlhari byakwe lebyi Xikwembu xa ntiyiso xi n’wi nyikeke byona.+ 24 Lembe ni lembe a ti n’wi tisela tinyiko ta swilo swa silivhere, swilo swa nsuku, swiambalo,+ matlhari, mafurha ya balsama, tihanci ni timeyila.