14 Hiloko a teka xiambalo xa vuprofeta xa Eliya lexi n’wi weleke, a ba mati kutani a ku: “Xana u kwihi Yehovha Xikwembu xa Eliya?” Loko a ba mati, ma avanile ma ya eximatsini ni le xineneni, kutani Elixa a tsemakanya.+

20 Hiloko a ku: “Ndzi tiseleni xibya lexitsongo lexintshwa mi tlhela mi chela munyu eka xona.” Hiloko va n’wi tisela xona. 21 Kutani a ya exihlobyeni, a fika a chela munyu eka xona+ a ku: “Yehovha u ri, ‘Ndzi ma basisile mati lawa. A ma nge he vangeli vanhu rifu kumbe ku va pfala mbeleko.’”*

17 hikuva Yehovha u ri: “Mi nge wu voni moya naswona a mi nge yi voni mpfula; kambe nkova wu ta tala hi mati,+ kutani n’wina ni mintlhambi ni swifuwo swa n’wina mi ta nwa eka wona.”’

4 Endzhaku ka sweswo nghena endlwini wena ni vana va wena mi pfala nyangwa. U chela mafurha eswibyeni leswi hinkwaswo, loko swi tele u swi veka etlhelo.”

7 Hiloko a ta a byela nandza wa Xikwembu xa ntiyiso, kutani a n’wi hlamula a ku: “Famba u ya xavisa mafurha lawa u hakela swikweleti swa wena, leyi nga ta sala u ta tihanyisa ha yona ni vana va wena.”

5 Loko un’wana wa vona a ri karhi a tsema murhi, xihloka xi hlomuka xi ya wela ematini. Kutani a huwelela a ku: “Yoo, n’wini wanga, a ndzi lo xi lomba!” 6 Nandza wa Xikwembu xa ntiyiso a ku: “Xi wele kwihi?” Hiloko a n’wi komba laha xi weleke kona. Kutani a tsema mhandzi a yi lahlela kwalaho ivi xihloka xi papamala. 7 Hiloko a ku: “Xi teke.” Kutani a xi teka.

7 Kutani Elixa a ku, “Yingisani rito ra Yehovha. Yehovha u ri: ‘Mundzuku hi nkarhi lowu egedeni* ya muti wa Samariya, seya* ya mapa lama silekeke kahle yi ta vitana xiphemu xin’we xa silivhere* naswona tiseya timbirhi ta maxalana ti ta vitana xiphemu xin’we xa silivhere.’”+