4 Loko Yehorama a sungula ku fuma endzhaku ka mfumo wa tata wakwe, u tiyise vuhosi byakwe hi ku dlaya vamakwavo+ hinkwavo hi banga ku katsa ni tihosana tin’wana ta Israyele.

10 Loko Ataliya+ mana wa Ahaziya a vona leswaku n’wana wakwe u file, a dlaya vana hinkwavo va le vuhosini bya Yuda.+ 11 Hambiswiritano, Yehoxabati n’wana wa xisati wa hosi a teka Yehowaxi+ n’wana wa Ahaziya a n’wi yiva exikarhi ka vana va hosi lava a va ta dlayiwa kutani a n’wi tumbeta ekamareni ra le ndzeni swin’we ni wansati loyi a a n’wi hlayisa. Yehoxabati n’wana wa Hosi Yehorama,+ (a a ri nsati wa muprista Yoyada+ tlhelo makwavo wa xisati wa Ahaziya) u swi kotile ku n’wi tumbetela Ataliya leswaku a nga n’wi dlayi.+ 12 U tshame na vona ku ringana malembe ya tsevu a tumbetiwile endlwini ya Xikwembu xa ntiyiso, hi nkarhi lowu Ataliya a a fuma tiko.