18 Hiloko Yoyada a veka vaprista ni Valevhi leswaku va langutela yindlu ya Yehovha, a va hlawuriwe hi Davhida leswaku va va valanguteri va yindlu ya Yehovha hi ku ya hi mitlawa ya vona, a va endlela Yehovha+ magandzelo yo hisiwa hi ku landza leswi tsariweke eNawini wa Muxe,+ a va swi endla va tsakile va ri karhi va yimbelela hilaha Davhida a va leriseke hakona. 19 U veke ni varindzi va tigede+ etigedeni ta yindlu ya Yehovha leswaku ku nga tshuki ku nghena munhu la nga basangiki. 20 Hiloko a teka tindhuna ta vanhu va madzana,+ varhangeri ni vanhu hinkwavo va tiko leswaku va famba ni hosi loko yi huma endlwini ya Yehovha. Kutani va nghena endlwini ya hosi hi nyangwa ya le henhla, hiloko hosi yi fika yi tshama exitulwini+ xa vuhosi.+ 21 Vanhu hinkwavo etikweni va tsaka hikuva se a ku ri ni ku rhula emutini hikwalaho ka leswi Ataliya a dlayiweke hi banga.