2 Endzhaku ka sweswo hosi ya Asiriya yi rhuma Rabuxake*+ ku suka eLakixi+ a ya eYerusalema eka Hosi Hezekiya, a ri ni masocha yo tala swinene. Kutani va fika va yima emugerhweni+ wa le henhla lowu nga endleleni leyi yaka ensin’wini ya muhlantswi.+ 3 Hiloko ku huma Eliyakimi+ n’wana wa Hilkiya loyi a a hlayisa ndyangu wa hosi na Xebina+ loyi a a ri matsalana na Yowa n’wana wa Asafa mutsari wa matimu va ya hlangana na yena.