21 Manase+ a a ri ni malembe ya 12 loko a va hosi, u fume malembe ya 55 eYerusalema.+ Vito ra mana wakwe a ku ri Hefesiba. 2 U dyohele Yehovha, a tekelela mikhuva leyi nyenyetsaka ya matiko+ lawa Yehovha a ma hlongoleke emahlweni ka Vaisrayele.+

19 Amoni+ a a ri ni malembe ya 22 loko a va hosi, u fume malembe mambirhi eYerusalema.+ Vito ra mana wakwe a ku ri Maxulemete n’wana wa Harusi wa le Yotiba. 20 A nga tshikanga ku endla swo biha emahlweni ka Yehovha, hilaha Manase tata wakwe a endleke hakona.+ 21 U ye emahlweni a dyoha hilaha tata wakwe a dyoheke hakona naswona u ye emahlweni a tirhela ni ku khinsamela swifaniso leswi nyenyetsaka leswi tata wakwe a swi tirheleke.+